SoundaryaLahari – Bengali

Print !

Back

সৌন্দর্যলহরি – শ্রী শঙ্করাচার্য

প্রথম ভাগঃ আনন্দ লহরি

ভুমৌস্খলিত পাদানাং ভূমিরেৱা ৱলংবনং |

ত্ৱযী জাতা পরাধানাং ত্ৱমেৱ শরণং শিৱে ||

শিৱঃ শক্ত্যা যুক্তো যদি ভৱতি শক্তঃ প্রভৱিতুং

ন চেদেৱং দেৱো ন খলু কুশলঃ স্পন্দিতুমপি|

অতস্ত্ৱাং আরাধ্যাং হরি-হর-ৱিরিন্‍চাদিভি রপি

প্রণন্তুং স্তোতুং ৱা কথ-মক্র্‍ত পুণ্যঃ প্রভৱতি||
1 ||

তনীযাংসুং পাংসুং তৱ চরণ পঙ্কেরুহ-ভৱং

ৱিরিংচিঃ সংচিন্ৱন্‍ ৱিরচযতি লোকা-নৱিকলং |

ৱহত্যেনং শৌরিঃ কথমপি সহস্রেণ শিরসাং

হরঃ সংক্ষুদ্-যৈনং ভজতি ভসিতোদ্ধূল নৱিধিং|| 2 ||

অৱিদ্যানা-মন্ত-স্তিমির-মিহির দ্ৱীপনগরী

জডানাং চৈতন্য-স্তবক মকরন্দ শ্রুতিঝরী |

দরিদ্রাণাং চিন্তামণি গুণনিকা জন্মজলধৌ

নিমগ্নানাং দংষ্ট্রা মুররিপু ৱরাহস্য ভৱতি|| 3 ||

ত্ৱদন্যঃ পাণিভযা-মভযৱরদো দৈৱতগণঃ

ত্ৱমেকা নৈৱাসি প্রকটিত-ৱরভীত্যভিনযা |

ভযাত্ ত্রাতুং দাতুং ফলমপি চ ৱাংছাসমধিকং

শরণ্যে লোকানাং তৱ হি চরণাৱেৱ নিপুণৌ || 4 ||

হরিস্ত্ৱামারধ্য প্রণত-জন-সৌভাগ্য-জননীং

পুরা নারী ভূত্ৱা পুররিপুমপি ক্ষোভ মনযত্ |

স্মরো‌পি ত্ৱাং নত্ৱা রতিনযন-লেহ্যেন ৱপুষা

মুনীনামপ্যন্তঃ প্রভৱতি হি মোহায মহতাং || 5 ||

ধনুঃ পৌষ্পং মৌর্ৱী মধুকরমযী পঞ্চ ৱিশিখাঃ

ৱসন্তঃ সামন্তো মলযমরু-দাযোধন-রথঃ |

তথাপ্যেকঃ সর্ৱং হিমগিরিসুতে কামপি কৃপাং

অপাংগাত্তে লব্ধ্ৱা জগদিদ-মনঙ্গো ৱিজযতে || 6 ||

ক্ৱণত্কাঞ্চী-দামা করি কলভ কুংভ-স্তননতা

পরিক্ষীণা মধ্যে পরিণত শরচ্চন্দ্র-ৱদনা |

ধনুর্বাণান্‍ পাশং সৃণিমপি দধানা করতলৈঃ

পুরস্তা দাস্তাং নঃ পুরমথিতু রাহো-পুরুষিকা || 7 ||

সুধাসিন্ধোর্‍মধ্যে সুরৱিট-পিৱাটী-পরিৱৃতে

মণিদ্ৱীপে নীপো-পৱনৱতি চিন্তামণি গৃহে |

শিৱকারে মঞ্চে পরমশিৱ-পর্যঙ্ক নিলযাং

ভজন্তি ত্ৱাং ধন্যাঃ কতিচন চিদানন্দ-লহরীং || 8 ||

মহীং মূলাধারে কমপি মণিপূরে হুতৱহং

স্থিতং স্ৱধিষ্টানে হৃদি মরুত-মাকাশ-মুপরি |

মনো‌পি ভ্রূমধ্যে সকলমপি ভিত্ৱা কুলপথং

সহস্রারে পদ্মে স হরহসি পত্যা ৱিহরসে || 9 ||

সুধাধারাসারৈ-শ্চরণযুগলান্ত-র্ৱিগলিতৈঃ

প্রপংচং সিন্ঞ্ন্তী পুনরপি রসাম্নায-মহসঃ|

অৱাপ্য স্ৱাং ভূমিং ভুজগনিভ-মধ্যুষ্ট-ৱলযং

স্ৱমাত্মানং কৃত্ৱা স্ৱপিষি কুলকুণ্ডে কুহরিণি
||
10 ||

চতুর্‍ভিঃ শ্রীকণ্ঠৈঃ শিৱযুৱতিভিঃ পঞ্চভিপি

প্রভিন্নাভিঃ শংভোর্‍নৱভিরপি মূলপ্রকৃতিভিঃ |

চতুশ্চত্ৱারিংশদ্-ৱসুদল-কলাশ্চ্-ত্রিৱলয-

ত্রিরেখভিঃ সার্‍ধং তৱ শরণকোণাঃ পরিণতাঃ || 11 ||

ত্ৱদীযং সৌন্দর্যং তুহিনগিরিকন্যে তুলযিতুং

কৱীন্দ্রাঃ কল্পন্তে কথমপি ৱিরিঞ্চি-প্রভৃতযঃ
|

যদালোকৌত্সুক্যা-দমরললনা যান্তি মনসা

তপোভির্‍দুষ্প্রাপামপি গিরিশ-সাযুজ্য-পদৱীং ||
12 ||

নরং ৱর্‍ষীযাংসং নযনৱিরসং নর্‍মসু জডং

তৱাপাংগালোকে পতিত-মনুধাৱন্তি শতশঃ |

গলদ্ৱেণীবন্ধাঃ কুচকলশ-ৱিস্ত্রিস্ত-সিচযা

হটাত্ ত্রুট্যত্কাঞ্যো ৱিগলিত-দুকূলা যুৱতযঃ ||
13 ||

ক্ষিতৌ ষট্পঞ্চাশদ্-দ্ৱিসমধিক-পঞ্চাশ-দুদকে

হুতশে দ্ৱাষষ্টি-শ্চতুরধিক-পঞ্চাশ-দনিলে |

দিৱি দ্ৱিঃ ষট্ ত্রিংশন্‍ মনসি চ চতুঃষষ্টিরিতি
যে

মযূখা-স্তেষা-মপ্যুপরি তৱ পাদাংবুজ-যুগং || 14 ||

শরজ্জ্যোত্স্না শুদ্ধাং শশিযুত-জটাজূট-মকুটাং

ৱর-ত্রাস-ত্রাণ-স্ফটিকঘুটিকা-পুস্তক-করাং |

সকৃন্ন ত্ৱা নত্ৱা কথমিৱ সতাং সন্নিদধতে

মধু-ক্ষীর-দ্রাক্ষা-মধুরিম-ধুরীণাঃ ফণিতযঃ || 15 ||

কৱীন্দ্রাণাং চেতঃ কমলৱন-বালাতপ-রুচিং

ভজন্তে যে সন্তঃ কতিচিদরুণামেৱ ভৱতীং |

ৱিরিঞ্চি-প্রেযস্যা-স্তরুণতর-শ্রৃঙ্গর লহরী-

গভীরাভি-র্ৱাগ্ভিঃ র্ৱিদধতি সতাং রঞ্জনমমী || 16 ||

সৱিত্রীভি-র্ৱাচাং চশি-মণি শিলা-ভঙ্গ রুচিভি-

র্ৱশিন্যদ্যাভি-স্ত্ৱাং সহ জননি সংচিন্তযতি যঃ
|

স কর্‍তা কাৱ্যানাং ভৱতি মহতাং ভঙ্গিরুচিভি-

র্ৱচোভি-র্ৱাগ্দেৱী-ৱদন-কমলামোদ মধুরৈঃ || 17 ||

তনুচ্ছাযাভিস্তে তরুণ-তরণি-শ্রীসরণিভি-

র্‍দিৱং সর্ৱা-মুর্ৱী-মরুণিমনি মগ্নাং স্মরতি যঃ
|

ভৱন্ত্যস্য ত্রস্য-দ্ৱনহরিণ-শালীন-নযনাঃ

সহোর্ৱশ্যা ৱশ্যাঃ কতি কতি ন গীর্ৱাণ-গণিকাঃ || 18 ||

মুখং বিন্দুং কৃত্ৱা কুচযুগমধ-স্তস্য তদধো

হরার্‍ধং ধ্যাযেদ্যো হরমহিষি তে মন্মথকলাং |

স সদ্যঃ সংক্ষোভং নযতি ৱনিতা ইত্যতিলঘু

ত্রিলোকীমপ্যাশু ভ্রমযতি রৱীন্দু-স্তনযুগাং ||
19 ||

কিরন্তী-মঙ্গেভ্যঃ কিরণ-নিকুরুম্বমৃতরসং

হৃদি ত্ৱা মাধত্তে হিমকরশিলা-মূর্‍তিমিৱ যঃ |

স সর্‍পাণাং দর্‍পং শমযতি শকুন্তধিপ ইৱ

জ্ৱরপ্লুষ্টান্‍ দৃষ্ট্যা সুখযতি সুধাধারসিরযা
||
20 ||

তটিল্লেখা-তন্ৱীং তপন শশি ৱৈশ্ৱানর মযীং

নিষ্ণ্ণাং ষণ্ণামপ্যুপরি কমলানাং তৱ কলাং |

মহাপদ্মাতৱ্যাং মৃদিত-মলমাযেন মনসা

মহান্তঃ পশ্যন্তো দধতি পরমাহ্লাদ-লহরীং || 21 ||

ভৱানি ত্ৱং দাসে মযি ৱিতর দৃষ্টিং সকরুণাং

ইতি স্তোতুং ৱাঞ্ছন্‍ কথযতি ভৱানি ত্ৱমিতি যঃ |

তদৈৱ ত্ৱং তস্মৈ দিশসি নিজসাযুজ্য-পদৱীং

মুকুন্দ-ব্রম্হেন্দ্র স্ফুট মকুট নীরাজিতপদাং
||
22 ||

ত্ৱযা হৃত্ৱা ৱামং ৱপু-রপরিতৃপ্তেন মনসা

শরীরার্‍ধং শম্ভো-রপরমপি শঙ্কে হৃতমভূত্ |

যদেতত্ ত্ৱদ্রূপং সকলমরুণাভং ত্রিনযনং

কুচাভ্যামানম্রং কুটিল-শশিচূডাল-মকুটং || 23 ||

জগত্সূতে ধাতা হরিরৱতি রুদ্রঃ ক্ষপযতে

তিরস্কুর্ৱ-ন্নেতত্ স্ৱমপি ৱপু-রীশ-স্তিরযতি |

সদা পূর্ৱঃ সর্ৱং তদিদ মনুগৃহ্ণাতি চ শিৱ-

স্তৱাজ্ঞা মলংব্য ক্ষণচলিতযো র্‍ভ্রূলতিকযোঃ
||
24 ||

ত্রযাণাং দেৱানাং ত্রিগুণ-জনিতানাং তৱ শিৱে

ভৱেত্ পূজা পূজা তৱ চরণযো-র্যা ৱিরচিতা |

তথা হি ত্ৱত্পাদোদ্ৱহন-মণিপীঠস্য নিকটে

স্থিতা হ্যেতে-শশ্ৱন্মুকুলিত করোত্তংস-মকুটাঃ
||
25 ||

ৱিরিঞ্চিঃ পঞ্চত্ৱং ৱ্রজতি হরিরাপ্নোতি ৱিরতিং

ৱিনাশং কীনাশো ভজতি ধনদো যাতি নিধনং |

ৱিতন্দ্রী মাহেন্দ্রী-ৱিততিরপি সংমীলিত-দৃশা

মহাসংহারে‌স্মিন্‍ ৱিহরতি সতি ত্ৱত্পতি রসৌ || 26 ||

জপো জল্পঃ শিল্পং সকলমপি মুদ্রাৱিরচনা

গতিঃ প্রাদক্ষিণ্য-ক্রমণ-মশনাদ্যা হুতি-ৱিধিঃ |

প্রণামঃ সংৱেশঃ সুখমখিল-মাত্মার্‍পণ-দৃশা

সপর্যা পর্যায-স্তৱ ভৱতু যন্মে ৱিলসিতং || 27 ||

সুধামপ্যাস্ৱাদ্য প্রতি-ভয-জরমৃত্যু-হরিণীং

ৱিপদ্যন্তে ৱিশ্ৱে ৱিধি-শতমখাদ্যা দিৱিষদঃ |

করালং যত্ ক্ষ্ৱেলং কবলিতৱতঃ কালকলনা

ন শম্ভোস্তন্মূলং তৱ জননি তাটঙ্ক মহিমা || 28 ||

কিরীটং ৱৈরিঞ্চং পরিহর পুরঃ কৈটভভিদঃ

কঠোরে কোঠীরে স্কলসি জহি জংভারি-মকুটং |

প্রণংরেষ্ৱেতেষু প্রসভ-মুপযাতস্য ভৱনং

ভৱস্যভ্যুত্থানে তৱ পরিজনোক্তি-র্ৱিজযতে || 29 ||

স্ৱদেহোদ্ভূতাভি-র্‍ঘৃণিভি-রণিমাদ্যাভি-রভিতো

নিষেৱ্যে নিত্যে ত্ৱা মহমিতি সদা ভাৱযতি যঃ |

কিমাশ্চর্যং তস্য ত্রিনযন-সমৃদ্ধিং তৃণযতো

মহাসংৱর্‍তাগ্নি-র্ৱিরচযতি নীরাজনৱিধিং || 30 ||

চতুঃ-ষষ্টযা তন্ত্রৈঃ সকল মতিসন্ধায ভুৱনং

স্থিতস্তত্ত্ত-সিদ্ধি প্রসৱ পরতন্ত্রৈঃ পশুপতিঃ
|

পুনস্ত্ৱ-ন্নির্‍বন্ধা দখিল-পুরুষার্‍থৈক ঘটনা-

স্ৱতন্ত্রং তে তন্ত্রং ক্ষিতিতল মৱাতীতর-দিদং ||
31 ||

শিৱঃ শক্তিঃ কামঃ ক্ষিতি-রথ রৱিঃ শীতকিরণঃ

স্মরো হংসঃ শক্র-স্তদনু চ পরা-মার-হরযঃ |

অমী হৃল্লেখাভি-স্তিসৃভি-রৱসানেষু ঘটিতা

ভজন্তে ৱর্‍ণাস্তে তৱ জননি নামাৱযৱতাং || 32 ||

স্মরং যোনিং লক্ষ্মীং ত্রিতয-মিদ-মাদৌ তৱ মনো

র্‍নিধাযৈকে নিত্যে নিরৱধি-মহাভোগ-রসিকাঃ |

ভজন্তি ত্ৱাং চিন্তামণি-গুণনিবদ্ধাক্ষ-ৱলযাঃ

শিৱাগ্নৌ জুহ্ৱন্তঃ সুরভিঘৃত-ধারাহুতি-শতৈ || 33 ||

শরীরং ত্ৱং শংভোঃ শশি-মিহির-ৱক্ষোরুহ-যুগং

তৱাত্মানং মন্যে ভগৱতি নৱাত্মান-মনঘং |

অতঃ শেষঃ শেষীত্যয-মুভয-সাধারণতযা

স্থিতঃ সংবন্ধো ৱাং সমরস-পরানন্দ-পরযোঃ || 34 ||

মনস্ত্ৱং ৱ্যোম ত্ৱং মরুদসি মরুত্সারথি-রসি

ত্ৱমাপ-স্ত্ৱং ভূমি-স্ত্ৱযি পরিণতাযাং ন হি পরং
|

ত্ৱমেৱ স্ৱাত্মানং পরিণ্মযিতুং ৱিশ্ৱ ৱপুষা

চিদানন্দাকারং শিৱযুৱতি ভাৱেন বিভৃষে || 35 ||

তৱাজ্ঞচক্রস্থং তপন-শশি কোটি-দ্যুতিধরং

পরং শংভু ৱন্দে পরিমিলিত-পার্‍শ্ৱং পরচিতা |

যমারাধ্যন্‍ ভক্ত্যা রৱি শশি শুচীনা-মৱিষযে

নিরালোকে ‌লোকে নিৱসতি হি ভালোক-ভুৱনে || 36 ||

ৱিশুদ্ধৌ তে শুদ্ধস্ফতিক ৱিশদং ৱ্যোম-জনকং

শিৱং সেৱে দেৱীমপি শিৱসমান-ৱ্যৱসিতাং |

যযোঃ কান্ত্যা যান্ত্যাঃ শশিকিরণ্-সারূপ্যসরণে

ৱিধূতান্ত-র্‍ধ্ৱান্তা ৱিলসতি চকোরীৱ জগতী || 37 ||

সমুন্মীলত্ সংৱিত্কমল-মকরন্দৈক-রসিকং

ভজে হংসদ্ৱন্দ্ৱং কিমপি মহতাং মানসচরং |

যদালাপা-দষ্টাদশ-গুণিত-ৱিদ্যাপরিণতিঃ

যদাদত্তে দোষাদ্ গুণ-মখিল-মদ্ভ্যঃ পয ইৱ || 38 ||

তৱ স্ৱাধিষ্ঠানে হুতৱহ-মধিষ্ঠায নিরতং

তমীডে সংৱর্‍তং জননি মহতীং তাং চ সমযাং |

যদালোকে লোকান্‍ দহতি মহসি ক্রোধ-কলিতে

দযার্‍দ্রা যা দৃষ্টিঃ শিশির-মুপচারং রচযতি || 39 ||

তটিত্ৱন্তং শক্ত্যা তিমির-পরিপন্থি-স্ফুরণযা

স্ফুর-ন্না নরত্নাভরণ-পরিণদ্ধেন্দ্র-ধনুষং |

তৱ শ্যামং মেঘং কমপি মণিপূরৈক-শরণং

নিষেৱে ৱর্‍ষন্তং-হরমিহির-তপ্তং ত্রিভুৱনং || 40 ||

তৱাধারে মূলে সহ সমযযা লাস্যপরযা

নৱাত্মান মন্যে নৱরস-মহাতাণ্ডৱ-নটং |

উভাভ্যা মেতাভ্যা-মুদয-ৱিধি মুদ্দিশ্য দযযা

সনাথাভ্যাং জজ্ঞে জনক জননীমত্ জগদিদং || 41 ||

দ্ৱিতীয ভাগঃ সৌন্দর্য লহরী

গতৈ-র্‍মাণিক্যত্ৱং গগনমণিভিঃ সান্দ্রঘটিতং

কিরীটং তে হৈমং হিমগিরিসুতে কীতযতি যঃ ||

স নীডেযচ্ছাযা-চ্ছুরণ-শকলং চন্দ্র-শকলং

ধনুঃ শৌনাসীরং কিমিতি ন নিবধ্নাতি ধিষণাং || 42 ||

ধুনোতু ধ্ৱান্তং ন-স্তুলিত-দলিতেন্দীৱর-ৱনং

ঘনস্নিগ্ধ-শ্লক্ষ্ণং চিকুর নিকুরুংবং তৱ শিৱে |

যদীযং সৌরভ্যং সহজ-মুপলব্ধুং সুমনসো

ৱসন্ত্যস্মিন্‍ মন্যে বলমথন ৱাটী-ৱিটপিনাং || 43 ||

তনোতু ক্ষেমং ন-স্তৱ ৱদনসৌন্দর্যলহরী

পরীৱাহস্রোতঃ-সরণিরিৱ সীমন্তসরণিঃ|

ৱহন্তী- সিন্দূরং প্রবলকবরী-ভার-তিমির

দ্ৱিষাং বৃন্দৈ-র্ৱন্দীকৃতমেৱ নৱীনার্‍ক কেরণং
||
44 ||

অরালৈ স্ৱাভাৱ্যা-দলিকলভ-সশ্রীভি রলকৈঃ

পরীতং তে ৱক্ত্রং পরিহসতি পঙ্কেরুহরুচিং |

দরস্মেরে যস্মিন্‍ দশনরুচি কিঞ্জল্ক-রুচিরে

সুগন্ধৌ মাদ্যন্তি স্মরদহন চক্ষু-র্‍মধুলিহঃ ||
45 ||

ললাটং লাৱণ্য দ্যুতি ৱিমল-মাভাতি তৱ যত্

দ্ৱিতীযং তন্মন্যে মকুটঘটিতং চন্দ্রশকলং |

ৱিপর্যাস-ন্যাসা দুভযমপি সংভূয চ মিথঃ

সুধালেপস্যূতিঃ পরিণমতি রাকা-হিমকরঃ || 46 ||

ভ্রুৱৌ ভুগ্নে কিংচিদ্ভুৱন-ভয-ভঙ্গৱ্যসনিনি

ত্ৱদীযে নেত্রাভ্যাং মধুকর-রুচিভ্যাং ধৃতগুণং
|

ধনু র্‍মন্যে সৱ্যেতরকর গৃহীতং রতিপতেঃ

প্রকোষ্টে মুষ্টৌ চ স্থগযতে নিগূঢান্তর-মুমে || 47 ||

অহঃ সূতে সৱ্য তৱ নযন-মর্‍কাত্মকতযা

ত্রিযামাং ৱামং তে সৃজতি রজনীনাযকতযা |

তৃতীযা তে দৃষ্টি-র্‍দরদলিত-হেমাম্বুজ-রুচিঃ

সমাধত্তে সন্ধ্যাং দিৱসর্‍-নিশযো-রন্তরচরীং || 48 ||

ৱিশালা কল্যাণী স্ফুতরুচি-রযোধ্যা কুৱলযৈঃ

কৃপাধারাধারা কিমপি মধুরা‌উ‌উভোগৱতিকা |

অৱন্তী দৃষ্টিস্তে বহুনগর-ৱিস্তার-ৱিজযা

ধ্রুৱং তত্তন্নাম-ৱ্যৱহরণ-যোগ্যাৱিজযতে || 49 ||

কৱীনাং সন্দর্‍ভ-স্তবক-মকরন্দৈক-রসিকং

কটাক্ষ-ৱ্যাক্ষেপ-ভ্রমরকলভৌ কর্‍ণযুগলং |

অমুঞ্চ্ন্তৌ দৃষ্ট্ৱা তৱ নৱরসাস্ৱাদ-তরলৌ

অসূযা-সংসর্‍গা-দলিকনযনং কিঞ্চিদরুণং || 50 ||

শিৱে শঙ্গারার্‍দ্রা তদিতরজনে কুত্সনপরা

সরোষা গংগাযাং গিরিশচরিতে ৱিস্মযৱতী |

হরাহিভ্যো ভীতা সরসিরুহ সৌভাগ্য-জননী

সখীষু স্মেরা তে মযি জননি দৃষ্টিঃ সকরুণা || 51 ||

গতে কর্‍ণাভ্যর্‍ণং গরুত ইৱ পক্ষ্মাণি দধতী

পুরাং ভেত্তু-শ্চিত্তপ্রশম-রস-ৱিদ্রাৱণ ফলে |

ইমে নেত্রে গোত্রাধরপতি-কুলোত্তংস-কলিকে

তৱাকর্‍ণাকৃষ্ট স্মরশর-ৱিলাসং কলযতঃ|| 52 ||

ৱিভক্ত-ত্রৈৱর্‍ণ্যং ৱ্যতিকরিত-লীলাঞ্জনতযা

ৱিভাতি ত্ৱন্নেত্র ত্রিতয মিদ-মীশানদযিতে |

পুনঃ স্রষ্টুং দেৱান্‍ দ্রুহিণ হরি-রুদ্রানুপরতান্‍

রজঃ সত্ৱং ৱেভ্রত্ তম ইতি গুণানাং ত্রযমিৱ || 53 ||

পৱিত্রীকর্‍তুং নঃ পশুপতি-পরাধীন-হৃদযে

দযামিত্রৈ র্‍নেত্রৈ-ররুণ-ধৱল-শ্যাম রুচিভিঃ |

নদঃ শোণো গংগা তপনতনযেতি ধ্রুৱমুং

ত্রযাণাং তীর্‍থানা-মুপনযসি সংভেদ-মনঘং || 54 ||

নিমেষোন্মেষাভ্যাং প্রলযমুদযং যাতি জগতি

তৱেত্যাহুঃ সন্তো ধরণিধর-রাজন্যতনযে |

ত্ৱদুন্মেষাজ্জাতং জগদিদ-মশেষং প্রলযতঃ

পরেত্রাতুং শংঙ্কে পরিহৃত-নিমেষা-স্তৱ দৃশঃ || 55 ||

তৱাপর্‍ণে কর্‍ণে জপনযন পৈশুন্য চকিতা

নিলীযন্তে তোযে নিযত মনিমেষাঃ শফরিকাঃ |

ইযং চ শ্রী-র্‍বদ্ধচ্ছদপুটকৱাটং কুৱলযং

জহাতি প্রত্যূষে নিশি চ ৱিঘতয্য প্রৱিশতি|| 56 ||

দৃশা দ্রাঘীযস্যা দরদলিত নীলোত্পল রুচা

দৱীযাংসং দীনং স্নপা কৃপযা মামপি শিৱে |

অনেনাযং ধন্যো ভৱতি ন চ তে হানিরিযতা

ৱনে ৱা হর্‍ম্যে ৱা সমকর নিপাতো হিমকরঃ || 57 ||

অরালং তে পালীযুগল-মগরাজন্যতনযে

ন কেষা-মাধত্তে কুসুমশর কোদণ্ড-কুতুকং |

তিরশ্চীনো যত্র শ্রৱণপথ-মুল্ল্ঙ্য্য ৱিলসন্‍

অপাংগ ৱ্যাসংগো দিশতি শরসন্ধান ধিষণাং || 58 ||

স্ফুরদ্গণ্ডাভোগ-প্রতিফলিত তাট্ঙ্ক যুগলং

চতুশ্চক্রং মন্যে তৱ মুখমিদং মন্মথরথং |

যমারুহ্য দ্রুহ্য ত্যৱনিরথ মর্‍কেন্দুচরণং

মহাৱীরো মারঃ প্রমথপতযে সজ্জিতৱতে || 59 ||

সরস্ৱত্যাঃ সূক্তী-রমৃতলহরী কৌশলহরীঃ

পিব্নত্যাঃ শর্ৱাণি শ্রৱণ-চুলুকাভ্যা-মৱিরলং |

চমত্কারঃ-শ্লাঘাচলিত-শিরসঃ কুণ্ডলগণো

ঝণত্করৈস্তারৈঃ প্রতিৱচন-মাচষ্ট ইৱ তে || 60 ||

অসৌ নাসাৱংশ-স্তুহিনগিরিৱণ্শ-ধ্ৱজপটি

ত্ৱদীযো নেদীযঃ ফলতু ফল-মস্মাকমুচিতং |

ৱহত্যন্তর্‍মুক্তাঃ শিশিরকর-নিশ্ৱাস-গলিতং

সমৃদ্ধ্যা যত্তাসাং বহিরপি চ মুক্তামণিধরঃ || 61 ||

প্রকৃত্যা‌উ‌উরক্তাযা-স্তৱ সুদতি দন্দচ্ছদরুচেঃ

প্রৱক্ষ্যে সদৃশ্যং জনযতু ফলং ৱিদ্রুমলতা |

ন বিংবং তদ্বিংব-প্রতিফলন-রাগা-দরুণিতং

তুলামধ্রারোঢুং কথমিৱ ৱিলজ্জেত কলযা || 62 ||

স্মিতজ্যোত্স্নাজালং তৱ ৱদনচন্দ্রস্য পিবতাং

চকোরাণা-মাসী-দতিরসতযা চঞ্চু-জডিমা |

অতস্তে শীতাংশো-রমৃতলহরী মাম্লরুচযঃ

পিবন্তী স্ৱচ্ছন্দং নিশি নিশি ভৃশং কাঞ্জি কধিযা
||
63 ||

অৱিশ্রান্তং পত্যুর্‍গুণগণ কথাম্রেডনজপা

জপাপুষ্পচ্ছাযা তৱ জননি জিহ্ৱা জযতি সা |

যদগ্রাসীনাযাঃ স্ফটিকদৃষ-দচ্ছচ্ছৱিমযি

সরস্ৱত্যা মূর্‍তিঃ পরিণমতি মাণিক্যৱপুষা || 64 ||

রণে জিত্ৱা দৈত্যা নপহৃত-শিরস্ত্রৈঃ কৱচিভিঃ

নিৱৃত্তৈ-শ্চণ্ডাংশ-ত্রিপুরহর-নির্‍মাল্য-ৱিমুখৈঃ
|

ৱিশাখেন্দ্রোপেন্দ্রৈঃ শশিৱিশদ-কর্‍পূরশকলা

ৱিলীযন্তে মাতস্তৱ ৱদনতাংবূল-কবলাঃ || 65 ||

ৱিপঞ্চ্যা গাযন্তী ৱিৱিধ-মপদানং পশুপতে-

স্ত্ৱযারব্ধে ৱক্তুং চলিতশিরসা সাধুৱচনে |

তদীযৈ-র্‍মাধুর্যৈ-রপলপিত-তন্ত্রীকলরৱাং

নিজাং ৱীণাং ৱাণীং নিচুলযতি চোলেন নিভৃতং || 66 ||

করগ্রেণ স্পৃষ্টং তুহিনগিরিণা ৱত্সলতযা

গিরিশেনো-দস্তং মুহুরধরপানাকুলতযা |

করগ্রাহ্যং শংভোর্‍মুখমুকুরৱৃন্তং গিরিসুতে

কথংকরং ব্রূম-স্তৱ চুবুকমোপম্যরহিতং || 67 ||

ভুজাশ্লেষান্নিত্যং পুরদমযিতুঃ কন্‍টকৱতী

তৱ গ্রীৱা ধত্তে মুখকমলনাল-শ্রিযমিযং |

স্ৱতঃ শ্ৱেতা কালা গরু বহুল-জম্বালমলিনা

মৃণালীলালিত্যং ৱহতি যদধো হারলতিকা || 68 ||

গলে রেখাস্তিস্রো গতি গমক গীতৈক নিপুণে

ৱিৱাহ-ৱ্যানদ্ধ-প্রগুণগুণ-সংখ্যা প্রতিভুৱঃ |

ৱিরাজন্তে নানাৱিধ-মধুর-রাগাকর-ভুৱাং

ত্রযাণাং গ্রামাণাং স্থিতি-নিযম-সীমান ইৱ তে || 69 ||

মৃণালী-মৃদ্ৱীনাং তৱ ভুজলতানাং চতসৃণাং

চতুর্‍ভিঃ সৌন্দ্রযং সরসিজভৱঃ স্তৌতি ৱদনৈঃ |

নখেভ্যঃ সন্ত্রস্যন্‍ প্রথম-মথনা দন্তকরিপোঃ

চতুর্‍ণাং শীর্‍ষাণাং সম-মভযহস্তার্‍পণ-ধিযা ||
70 ||

নখানা-মুদ্যোতৈ-র্‍নৱনলিনরাগং ৱিহসতাং

করাণাং তে কান্তিং কথয কথযামঃ কথমুমে |

কযাচিদ্ৱা সাম্যং ভজতু কলযা হন্ত কমলং

যদি ক্রীডল্লক্ষ্মী-চরণতল-লাক্ষারস-চণং || 71 ||

সমং দেৱি স্কন্দ দ্ৱিপিৱদন পীতং স্তনযুগং

তৱেদং নঃ খেদং হরতু সততং প্রস্নুত-মুখং |

যদালোক্যাশঙ্কাকুলিত হৃদযো হাসজনকঃ

স্ৱকুম্ভৌ হেরংবঃ পরিমৃশতি হস্তেন ঝডিতি || 72 ||

অমূ তে ৱক্ষোজা-ৱমৃতরস-মাণিক্য কুতুপৌ

ন সন্দেহস্পন্দো নগপতি পতাকে মনসি নঃ |

পিবন্তৌ তৌ যস্মা দৱিদিত ৱধূসংগ রসিকৌ

কুমারাৱদ্যাপি দ্ৱিরদৱদন-ক্রৌঞ্চ্দলনৌ || 73 ||

ৱহত্যংব স্ত্মবেরম-দনুজ-কুংভপ্রকৃতিভিঃ

সমারব্ধাং মুক্তামণিভিরমলাং হারলতিকাং |

কুচাভোগো বিম্বাধর-রুচিভি-রন্তঃ শবলিতাং

প্রতাপ-ৱ্যামিশ্রাং পুরদমযিতুঃ কীর্‍তিমিৱ তে
||
74 ||

তৱ স্তন্যং মন্যে ধরণিধরকন্যে হৃদযতঃ

পযঃ পারাৱারঃ পরিৱহতি সারস্ৱতমিৱ |

দযাৱত্যা দত্তং দ্রৱিডশিশু-রাস্ৱাদ্য তৱ যত্

কৱীনাং প্রৌঢানা মজনি কমনীযঃ কৱযিতা || 75 ||

হরক্রোধ-জ্ৱালাৱলিভি-রৱলীঢেন ৱপুষা

গভীরে তে নাভীসরসি কৃতসঙো মনসিজঃ |

সমুত্তস্থৌ তস্মা-দচলতনযে ধূমলতিকা

জনস্তাং জানীতে তৱ জননি রোমাৱলিরিতি || 76 ||

যদেতত্কালিন্দী-তনুতর-তরঙ্গাকৃতি শিৱে

কৃশে মধ্যে কিঞ্চিজ্জননি তৱ যদ্ভাতি সুধিযাং |

ৱিমর্‍দা-দন্যোন্যং কুচকলশযো-রন্তরগতং

তনূভূতং ৱ্যোম প্রৱিশদিৱ নাভিং কুহরিণীং || 77 ||

স্থিরো গংগা ৱর্‍তঃ স্তনমুকুল-রোমাৱলি-লতা

কলাৱালং কুণ্ডং কুসুমশর তেজো-হুতভুজঃ |

রতে-র্লীলাগারং কিমপি তৱ নাভির্‍গিরিসুতে

বেলদ্ৱারং সিদ্ধে-র্‍গিরিশনযনানাং ৱিজযতে || 78 ||

নিসর্‍গ-ক্ষীণস্য স্তনতট-ভরেণ ক্লমজুষো

নমন্মূর্‍তে র্‍নারীতিলক শনকৈ-স্ত্রুট্যত ইৱ |

চিরং তে মধ্যস্য ত্রুটিত তটিনী-তীর-তরুণা

সমাৱস্থা-স্থেম্নো ভৱতু কুশলং শৈলতনযে || 79 ||

কুচৌ সদ্যঃ স্ৱিদ্য-ত্তটঘটিত-কূর্‍পাসভিদুরৌ

কষন্তৌ-দৌর্‍মূলে কনককলশাভৌ কলযতা |

তৱ ত্রাতুং ভঙ্গাদলমিতি ৱলগ্নং তনুভুৱা

ত্রিধা নদ্ধং দেৱী ত্রিৱলি লৱলীৱল্লিভিরিৱ || 80 ||

গুরুত্ৱং ৱিস্তারং ক্ষিতিধরপতিঃ পার্ৱতি নিজাত্

নিতংবা-দাচ্ছিদ্য ত্ৱযি হরণ রূপেণ নিদধে |

অতস্তে ৱিস্তীর্‍ণো গুরুরযমশেষাং ৱসুমতীং

নিতংব-প্রাগ্ভারঃ স্থগযতি সঘুত্ৱং নযতি চ || 81 ||

করীন্দ্রাণাং শুণ্ডান্‍-কনককদলী-কাণ্ডপটলীং

উভাভ্যামূরুভ্যা-মুভযমপি নির্‍জিত্য ভৱতি |

সুৱৃত্তাভ্যাং পত্যুঃ প্রণতিকঠিনাভ্যাং গিরিসুতে

ৱিধিজ্ঞে জানুভ্যাং ৱিবুধ করিকুংভ দ্ৱযমসি || 82 ||

পরাজেতুং রুদ্রং দ্ৱিগুণশরগর্‍ভৌ গিরিসুতে

নিষঙ্গৌ জঙ্ঘে তে ৱিষমৱিশিখো বাঢ-মকৃত |

যদগ্রে দৃস্যন্তে দশশরফলাঃ পাদযুগলী

নখাগ্রচ্ছন্মানঃ সুর মুকুট-শাণৈক-নিশিতাঃ || 83 ||

শ্রুতীনাং মূর্‍ধানো দধতি তৱ যৌ শেখরতযা

মমাপ্যেতৌ মাতঃ শেরসি দযযা দেহি চরণৌ |

যয‌ওঃ পাদ্যং পাথঃ পশুপতি জটাজূট তটিনী

যযো-র্লাক্ষা-লক্ষ্মী-ররুণ হরিচূডামণি রুচিঃ || 84 ||

নমো ৱাকং ব্রূমো নযন-রমণীযায পদযোঃ

তৱাস্মৈ দ্ৱন্দ্ৱায স্ফুট-রুচি রসালক্তকৱতে |

অসূযত্যত্যন্তং যদভিহননায স্পৃহযতে

পশূনা-মীশানঃ প্রমদৱন-কঙ্কেলিতরৱে || 85 ||

মৃষা কৃত্ৱা গোত্রস্খলন-মথ ৱৈলক্ষ্যনমিতং

ললাটে ভর্‍তারং চরণকমলে তাডযতি তে |

চিরাদন্তঃ শল্যং দহনকৃত মুন্মূলিতৱতা

তুলাকোটিক্ৱাণৈঃ কিলিকিলিত মীশান রিপুণা || 86 ||

হিমানী হন্তৱ্যং হিমগিরিনিৱাসৈক-চতুরৌ

নিশাযাং নিদ্রাণং নিশি-চরমভাগে চ ৱিশদৌ |

ৱরং লক্ষ্মীপাত্রং শ্রিয-মতিসৃহন্তো সমযিনাং

সরোজং ত্ৱত্পাদৌ জননি জযত-শ্চিত্রমিহ কিং || 87 ||

পদং তে কীর্‍তীনাং প্রপদমপদং দেৱি ৱিপদাং

কথং নীতং সদ্ভিঃ কঠিন-কমঠী-কর্‍পর-তুলাং |

কথং ৱা বাহুভ্যা-মুপযমনকালে পুরভিদা

যদাদায ন্যস্তং দৃষদি দযমানেন মনসা || 88 ||

নখৈ-র্‍নাকস্ত্রীণাং করকমল-সংকোচ-শশিভিঃ

তরূণাং দিৱ্যানাং হসত ইৱ তে চণ্ডি চরণৌ |

ফলানি স্ৱঃস্থেভ্যঃ কিসলয-করাগ্রেণ দদতাং

দরিদ্রেভ্যো ভদ্রাং শ্রিযমনিশ-মহ্নায দদতৌ || 89 ||

দদানে দীনেভ্যঃ শ্রিযমনিশ-মাশানুসদৃশীং

অমন্দং সৌন্দর্যং প্রকর-মকরন্দং ৱিকিরতি |

তৱাস্মিন্‍ মন্দার-স্তবক-সুভগে যাতু চরণে

নিমজ্জন্‍ মজ্জীৱঃ করণচরণঃ ষ্ট্চরণতাং || 90 ||

পদন্যাস-ক্রীডা পরিচয-মিৱারব্ধু-মনসঃ

স্খলন্তস্তে খেলং ভৱনকলহংসা ন জহতি |

অতস্তেষাং শিক্ষাং সুভগমণি-মঞ্জীর-রণিত-

চ্ছলাদাচক্ষাণং চরণকমলং চারুচরিতে || 91 ||

গতাস্তে মঞ্চত্ৱং দ্রুহিণ হরি রুদ্রেশ্ৱর ভৃতঃ

শিৱঃ স্ৱচ্ছ-চ্ছাযা-ঘটিত-কপট-প্রচ্ছদপটঃ |

ত্ৱদীযানাং ভাসাং প্রতিফলন রাগারুণতযা

শরীরী শৃংগারো রস ইৱ দৃশাং দোগ্ধি কুতুকং || 92 ||

অরালা কেশেষু প্রকৃতি সরলা মন্দহসিতে

শিরীষাভা চিত্তে দৃষদুপলশোভা কুচতটে |

ভৃশং তন্ৱী মধ্যে পৃথু-রুরসিজারোহ ৱিষযে

জগত্ত্রতুং শংভো-র্‍জযতি করুণা কাচিদরুণা || 93 ||

কলঙ্কঃ কস্তূরী রজনিকর বিংবং জলমযং

কলাভিঃ কর্‍পূরৈ-র্‍মরকতকরণ্ডং নিবিডিতং |

অতস্ত্ৱদ্ভোগেন প্রতিদিনমিদং রিক্তকুহরং

ৱিধি-র্‍ভূযো ভূযো নিবিডযতি নূনং তৱ কৃতে || 94 ||

পুরারন্তে-রন্তঃ পুরমসি তত-স্ত্ৱচরণযোঃ

সপর্যা-মর্যাদা তরলকরণানা-মসুলভা |

তথা হ্যেতে নীতাঃ শতমখমুখাঃ সিদ্ধিমতুলাং

তৱ দ্ৱারোপান্তঃ স্থিতিভি-রণিমাদ্যাভি-রমরাঃ ||
95 ||

কলত্রং ৱৈধাত্রং কতিকতি ভজন্তে ন কৱযঃ

শ্রিযো দেৱ্যাঃ কো ৱা ন ভৱতি পতিঃ কৈরপি ধনৈঃ |

মহাদেৱং হিত্ৱা তৱ সতি সতীনা-মচরমে

কুচভ্যা-মাসংগঃ কুরৱক-তরো-রপ্যসুলভঃ || 96 ||

গিরামাহু-র্‍ভেৱীং দ্রুহিণগৃহিণী-মাগমৱিদো

হরেঃ পত্নীং পদ্মাং হরসহচরী-মদ্রিতনযাং |

তুরীযা কাপি ত্ৱং দুরধিগম-নিস্সীম-মহিমা

মহামাযা ৱিশ্ৱং ভ্রমযসি পরব্রহ্মমহিষি || 97 ||

কদা কালে মাতঃ কথয কলিতালক্তকরসং

পিবেযং ৱিদ্যার্‍ত্থি তৱ চরণ-নির্‍ণেজনজলং |

প্রকৃত্যা মূকানামপি চ কৱিতা0কারণতযা

কদা ধত্তে ৱাণীমুখকমল-তাংবূল-রসতাং || 98 ||

সরস্ৱত্যা লক্ষ্ম্যা ৱিধি হরি সপত্নো ৱিহরতে

রতেঃ পতিৱ্রত্যং শিথিলপতি রম্যেণ ৱপুষা |

চিরং জীৱন্নেৱ ক্ষপিত-পশুপাশ-ৱ্যতিকরঃ

পরানন্দাভিখ্যং রসযতি রসং ত্ৱদ্ভজনৱান্‍ || 99 ||

প্রদীপ জ্ৱালাভি-র্‍দিৱসকর-নীরাজনৱিধিঃ

সুধাসূতে-শ্চন্দ্রোপল-জললৱৈ-রঘ্যরচনা |

স্ৱকীযৈরংভোভিঃ সলিল-নিধি-সৌহিত্যকরণং

ত্ৱদীযাভি-র্ৱাগ্ভি-স্তৱ জননি ৱাচাং স্তুতিরিযং
||
100 ||

সৌন্দর্যলহরি মুখ্যস্তোত্রং সংৱার্‍তদাযকং |

ভগৱদ্পাদ সন্‍ক্লুপ্তং পঠেন্‍ মুক্তৌ ভৱেন্নরঃ
||

সৌন্দর্যলহরি স্তোত্রং সম্পূর্‍ণ্ণং

Spread the message
Night Mode