॥ Srī Rudrapraśnaḥ ॥

॥ Namakam ॥

Srī gurubhyo namaḥ । hariḥ om।
Om̃ gaṇānāṃ tvā gaṇapatikam havāmahe kaviṃ kavīnāmupamaśravastamaṃ।
jyeṣṭharājaṃ brahmaṇāṃ brahmaṇaspata ā naḥ śrṛṇvannūtibhissīda sādanaṃ ॥

॥ Oṃ namo bhagavate rudrāya ॥

Namaste rudramanyava utota iṣave namaḥ ।
namaste astu dhanvane bāhubhyā-muta te namaḥ ॥ 1-1॥

yāta iṣuḥ śivatamā śivaṃ babhūva te dhanuḥ ।
śivā śaravyā yā tava tayā no rudra mṛḍaya ॥ 1-2॥

yā te rudra śivā tanū-raghorā'pāpakāśinī ।
tayā nastanuvā śantamayā giriśaṃtābhicākaśīhi ॥ 1-3॥

yāmiṣuṃ giriśaṃta haste bibharṣyastave ।
śivāṃ giritra tāṃ kuru mā higamsīḥ puruṣaṃ jagat ॥ 1-4॥

śivena vacasā tvā giriśācchā vadāmasi ।
yathā naḥ sarvamijjagadayakṣmasumanā asat ॥ 1-5॥

adhyavocadadhi vaktā prathamo daivyo bhiṣak ।
ahīśca sarvāñjaṃbhayantsarvāśca yātudhānyaḥ ॥ 1-6॥

asau yastāmro aruṇa uta babhruḥ sumaṃgalaḥ ।
ye cemārudrā abhito dikṣu ।
śritāḥ sahasraśo'vaiṣāheḍa īmahe ॥ 1-7॥

asau yo'vasarpati nīlagrīvo vilohitaḥ ।
utainaṃ gopā adṛśannadṛśannudahāryaḥ ।
utainaṃ viśvā bhūtāni sa dṛṣṭo mṛḍayāti naḥ ॥ 1-8॥

namo astu nīlagrīvāya sahasrākṣāya mīḍhuṣe ।
atho ye asya satvāno'haṃ tebhyo'karannamaḥ ॥ 1-9॥

pramuṃca dhanvanastva-mubhayo-rārtniyo-rjyām ।
yāśca te hasta iṣavaḥ parā tā bhagavo vapa ॥ 1-10॥

avatatya dhanustva sahasrākṣa śateṣudhe ।
niśīrya śalyānāṃ mukhā śivo naḥ sumanā bhava ॥ 1-11॥

vijyaṃ dhanuḥ kapardino viśalyo bāṇavā uta ।
aneśannasyeṣava ābhurasya niṣaṃgathiḥ ॥ 1-12॥

yā te heti-rmīḍhuṣṭama haste babhūva te dhanuḥ ।
tayā'smānviśvatastva-mayakṣmayā paribbhuja ॥ 1-13॥

namaste astvāyudhāyānātatāya dhṛṣṇave ।
ubhābhyāmuta te namo bāhubhyāṃ tava dhanvane ॥ 1-14॥

pari te dhanvano heti-rasmānvruṇaktu viśvataḥ ।
atho ya iṣudhistavāre asmannidhehi tam ॥ 1-15॥

namaste astu bhagavan viśveśvarāya mahādevāya tryaṃbakāya
tripurāntakāya trikāgni-kālāya kālāgnirudrāya var trikālāgni
nīlakaṇṭhāya mrutyuṃjayāya sarveśvarāya
sadāśivāya śrīmanmahādevāya namaḥ ॥ 2-0॥

namo hiraṇyabāhave senānye diśāṃ ca pataye namo namo
vṛkṣebhyo harikeśebhyaḥ paśūnāṃ pataye namo namaḥ
saspiñcarāya tviṣīmate pathīnāṃ pataye namo namo
babhluśāya vivyādhine'nnānāṃ pataye namo namo
harikeśāyopavītine puṣṭānāṃ pataye namo namo
bhavasya hetyai jagatāṃ pataye namo namo
rudrāyātatāvine kṣetrāṇāṃ pataye namo namaḥ
sūtāyāhantyāya vanānāṃ pataye namo namaḥ ॥ 2-1॥

rohitāya sthapataye vṛkṣāṇāṃ pataye namo namo
mantriṇe vāṇijāya kakṣāṇāṃ pataye namo namo
bhuvaṃtaye vārivaskṛtāyauṣadhīnāṃ pataye namo nama
uccairghoṣāyākrandayate pattīnāṃ pataye namo namaḥ
kṛtsnavītāya dhāvate satvanāṃ pataye namaḥ ॥ 2-2॥

namaḥ sahamānāya nivyādhina āvyādhinīnāṃ
pataye namo namaḥ
kakubhāya niṣaṅgiṇe stenānāṃ pataye namo namo
niṣaṅgiṇa iṣudhimate taskarāṇāṃ pataye namo namo
vañcate parivañcate stāyūnāṃ pataye namo namo
nicerave paricarāyāraṇyānāṃ pataye namo namaḥ
sṛkāvibhyo jighāsadbhyo muṣṇatāṃ pataye namo namo
'simadbhyo naktaṃ caradbhyaḥ prakṛntānāṃ pataye namo nama
uṣṇīṣiṇe giricarāya kuluñcānāṃ pataye namo namaḥ ॥ 3-1॥

iṣumadbhyo dhanvāvibhyaśca vo namo nama
ātanvānebhyaḥ pratidadhānebhyaśca vo namo nama
āyacchadbhyo visṛjadbhyaśca vo namo namo
'syadbhyo viddhyadbhyaśca vo namo nama
āsīnebhyaḥ śayānebhyaśca vo namo namaḥ
svapadbhyo jāgradbhyaśca vo namo nama-
stiṣṭhadbhyo dhāvadbhyaśca vo namo namaḥ
sabhābhyaḥ sabhāpatibhyaśca vo namo namo
aśvebhyo'śvapatibhyaśca vo namaḥ ॥ 3-2॥

nama āvyadhinībhyo vividhyantībhyaśca vo namo nama
ugaṇābhyastṛhatībhyaśca vo namo namo
gṛtsebhyo grutsapatibhyaśca vo namo namo
vrātebhyo vrātapatibhyaśca vo namo namo
gaṇebhyo gaṇapatibhyaśca vo namo namo
virūpebhyo viśvarūpebhyaśca vo namo namo
mahadbhyaḥ kṣullakebhyaśca vo namo namo
rathibhyo'rathebhyaśca vo namo namo rathebhyaḥ ॥ 4-1॥

rathapatibhyaśca vo namo namaḥ
senābhyaḥ senanibhyaśca vo namo namaḥ
kṣattṛbhyaḥ saṃgrahītṛbhyaśca vo namo nama-
stakṣabhyo rathakārebhyaśca vo namo namaḥ
kulālebhyaḥ karmārebhyaśca vo namo namaḥ
puñjiṣṭebhyo niṣādebhyaśca vo namo nama
iṣukṛdbhyo dhanvakṛdbhyaśca vo namo namo
mrugayubhyaḥ śvanibhyaśca vo namo namaḥ
śvabhyaḥ śvapatibhyaśca vo namaḥ ॥ 4-2॥

namo bhavāya ca rudrāya ca namaḥ śarvāya ca paśupataye ca
namo nīlagrīvāya ca śitikaṇṭhāya ca
namaḥ kapardine ca vyuptakeśāya ca
namaḥ sahasrākṣāya ca śatadhanvane ca
namo giriśāya ca śipiviṣṭāya ca
namo mīḍhuṣṭamāya ceṣumate ca namo hrasvāya ca vāmanāya ca
namo bṛhate ca varṣīyase ca
namo vṛddhāya ca saṃvṛddhvane ca ॥ 5-1॥

namo agriyāya ca prathamāya ca nama āśave cājirāya ca
namḥ śīghriyāya ca śībhyāya ca
nam ūrmyāya cāvasvanyāya ca
namaḥ srotasyāya ca dvīpyāya ca ॥ 5-2॥

namo jyeṣṭhāya ca kaniṣṭhāya ca
namaḥ pūrvajāya cāparajāya ca
namo madhyamāya cāpagalbhāya ca
namo jaghanyāya ca budhniyāya ca
namaḥ sobhyāya ca pratisaryāya ca
namo yāmyāya ca kṣemyāya ca
nama urvaryāya ca khalyāya ca
namaḥ ślokyāya cāvasānyāya ca
namo vanyāya ca kakṣyāya ca
namaḥ śravāya ca pratiśravāya ca ॥ 6-1॥

nama āśuṣeṇāya cāśurathāya ca
namaḥ śūrāya cāvabhindate ca
namo varmiṇe ca varūthine ca
namo bilmine ca kavacine ca
namaḥ śrutāya ca śrutasenāya ca ॥ 6-2॥

namo dundubhyāya cāhananyāya ca namo dhṛṣṇave ca pramṛśāya ca
namo dūtāya ca prahitāya ca namo niṣaṅgiṇe ceṣudhimate ca
namastīkṣṇeṣave cāyudhine ca namaḥ svāyudhāya ca sudhanvane ca
namaḥ srutyāya ca pathyāya ca namaḥ kāṭyāya ca nīpyāya ca
namaḥ sūdyāya ca sarasyāya ca namo nādyāya ca vaiśantāya ca ॥ 7-1॥

namaḥ kūpyāya cāvaṭyāya ca namo varṣyāya cāvarṣyāya ca
namo meghyāya ca vidyutyāya ca nama īghriyāya cātapyāya ca
namo vātyāya ca reṣmiyāya ca
namo vāstavyāya ca vāstupāya ca ॥ 7-2॥

namaḥ somāya ca rudrāya ca namastāmrāya cāruṇāya ca
namaḥ śaṅgāya ca paśupataye ca nama ugrāya ca bhīmāya ca
namo agrevadhāya ca dūrevadhāya ca
namo hantre ca hanīyase ca namo vṛkṣebhyo harikeśebhyo
namastārāya namaḥ śaṃbhave ca mayobhave ca
namaḥ śaṃkarāya ca mayaskarāya ca
namaḥ śivāya ca śivatarāya ca ॥ 8-1॥

namastīrthyāya ca kūlyāya ca
namaḥ pāryāya cāvāryāya ca
namaḥ prataraṇāya cottaraṇāya ca
nama ātāryāya cālādyāya ca
namaḥ śaṣpyāya ca phenyāya ca namaḥ
sikatyāya ca pravāhyāya ca ॥ 8-2॥

nama iriṇyāya ca prapathyāya ca
namaḥ kiśilāya ca kṣayaṇāya ca
namaḥ kapardine ca pulastaye ca
namo goṣṭhyāya ca gṛhyāya ca
namastalpyāya ca gehyāya ca
namaḥ kāṭyāya ca gahvareṣṭhāya ca
namo hṛdayyāya ca niveṣpyāya ca
namaḥ pāgamsavyāya ca rajasyāya ca
namaḥ śuṣkyāya ca harityāya ca
namo lopyāya colapyāya ca ॥ 9-1॥

nama ūrvyāya ca sūrmyāya ca
namaḥ parṇyāya ca parṇaśadyāya ca
namo'paguramāṇāya cābhighnate ca
nama ākhkhidate ca prakhkhidate ca
namo vaḥ kirikebhyo devānā hṛdayebhyo
namo vikṣīṇakebhyo namo vicinvatkebhyo
nama ānirhatebhyo nama āmīvatkebhyaḥ ॥ 9-2॥

drāpe andhasaspate daridrannīlalohita ।
eṣāṃ puruṣāṇāmeṣāṃ paśūnāṃ mā bhermāro mo eṣāṃ
kiṃcanāmamat ॥ 10-1॥

yā te rudra śivā tanūḥ śivā viśvāha bheṣajī ।
śivā rudrasya bheṣajī tayā no mṛḍa jīvase ॥ 10-2॥

imārudrāya tavase kapardine kṣayadvīrāya prabharāmahe matim ।
yathā naḥ śamasaddvipade catuṣpade viśvaṃ puṣṭaṃ grāme
āsminnanāturam ॥ 10-3॥

mṛḍā no rudrotano mayaskṛdhi kṣayadvīrāya namasā vidhema te ।
yacchaṃ ca yośca manurāyaje pitā tadaśyāma tava rudra praṇītau ॥ 10-4॥

mā no mahāntamuta mā no arbhakaṃ
mā na ukṣanta-muta mā na ukṣitam ।
mā no vadhīḥ pitaraṃ mota mātaraṃ priyā mā
nastanuvo rudra rīriṣaḥ ॥ 10-5॥

mānastoke tanaye mā na āyuṣi mā no goṣu
mā no aśveṣu rīriṣaḥ ।
vīrānmā no rudra bhāmito'vadhī-rhaviṣmanto
namasā vidhema te ॥ 10-6॥

ārātte goghna utta pūruṣaghne kṣayadvīrāya
sumnamasme te astu ।
rakṣā ca no adhi ca deva brūhyathā ca naḥ
śarma yaccha dvibarhāḥ ॥ 10-7॥

stuhi śrutaṃ gartasadaṃ yuvānaṃ mṛganna bhīma-mupahatnumugram ।
mruḍā jaritre rudra stavāno anyante
asmannivapantu senāḥ ॥ 10-8॥

pariṇo rudrasya hetirvṛṇaktu pari tveṣasya durmatiraghāyoḥ ।
ava sthirā maghavadbhyastanuṣva mīḍhvastokāya
tanayāya mruḍaya ॥ 10-9॥

mīḍhuṣṭama śivatama śivo naḥ sumanā bhava ।
parame vrukṣa āyudhaṃ nidhāya kṛttiṃ vasāna
ācara pinākaṃ vibhradāgahi ॥ 10-10॥

vikirida vilohita namaste astu bhagavaḥ ।
yāste sahasrahetayo'nyamasmannivapantu tāḥ ॥ 10-11॥

sahasrāṇi sahasradhā bāhuvostava hetayaḥ ।
tāsāmīśāno bhagavaḥ parācīnā mukhā kṛdhi ॥ 10-12॥

sahasrāṇi sahasraśo ye rudrā adhi bhūmyām ।
teṣāsahasrayojane'vadhanvāni tanmasi ॥ 11-1॥

asmin mahatyarṇave'ntarikṣe bhavā adhi ॥ 11-2॥

nīlagrīvāḥ śitikaṇṭhāḥ śarvā adhaḥ kṣamācarāḥ ॥ 11-3॥

nīlagrīvāḥ śitikaṇṭhā divarudrā upaśritāḥ ॥ 11-4॥

ye vṛkṣeṣu saspiṃjarā nīlagrīvā vilohitāḥ ॥ 11-5॥

ye bhūtānāmadhipatayo viśikhāsaḥ kapardinaḥ ॥ 11-6॥

ye anneṣu vividhyanti pātreṣu pibato janān ॥ 11-7॥

ye pathāṃ pathirakṣaya ailabṛdā yavyudhaḥ ॥ 11-8॥

ye tīrthāni pracaranti sṛkāvanto niṣaṅgiṇaḥ ॥ 11-9॥

ya etāvantaśca bhūyāsaśca diśo rudrā vitasthire
teṣāsahasra-yojane । avadhanvāni tanmasi ॥ 11-10॥

namo rudrebhyo ye pṛthivyāṃ ye । antarikṣe
ye divi yeṣāmannaṃ vāto varṣamiṣava-stebhyo daśa
prācīrdaśa dakṣiṇā daśa pratīcīrdaśodīcīrdaśordhvāstebhyo
namaste no mṛḍayantu te yaṃ dviṣmo yaśca no dveṣṭi
taṃ vo jambhe dadhāmi ॥ 11-11॥

tryaṃbakaṃ yajāmahe sugandhiṃ puṣṭivardhanam ।
urvārukamiva bandhanānmṛtyo-rmukṣīya mā'mṛtāt ॥ 1॥

yo rudro agnau yo apsu ya oṣadhīṣu ।
yo rudro viśvā bhuvanā''viveśa
tasmai rudrāya namo astu ॥ 2॥

tamuṣṭuhi yaḥ sviṣuḥ sudhanvā yo viśvasya kṣayati bheṣajasya ।
yakṣvāmahe saumanasāya rudraṃ namobhirdevamasuraṃ duvasya ॥ 3॥

ayaṃ me hasto bhagavānayaṃ me bhagavattaraḥ ।
ayaṃ me viśva-bheṣajo'ya śivābhimarśanaḥ ॥ 4॥

ye te sahasramayutaṃ pāśā mṛtyo martyāya hantave ।
tān yajñasya māyayā sarvānava yajāmahe ।
mṛtyave svāhā mṛtyave svāhā ॥ 5॥

oṃ namo bhagavate rudrāya viṣṇave mṛtyurme pāhi ।
prāṇānāṃ granthirasi rudro mā viśāntakaḥ ।
tenānnenāpyāyasva ॥ 6॥

namo rudrāya viṣṇave mṛtyurme pāhi
॥ oṃ śāntiḥ śāntiḥ śāntiḥ ॥

॥ iti śrīkṛṣṇayajurvedīya taittirīya saṃhitāyāṃ
caturthakāṇḍe paṃcamaḥ prapāṭhakaḥ ॥

॥ camakapraśnaḥ ॥

agnāviṣṇū sajoṣasemā vardhantu vāṃ giraḥ ।
dyumnairvājebhirāgatam ॥

vājaśca me prasavaśca me
prayatiśca me prasitiśca me dhītiśca me kratuśca me
svaraśca me ślokaśca me śrāvaśca me śrutiśca me
jyotiśca me suvaśca me prāṇaśca me'pānaśca me
vyānaśca me'suśca me cittaṃ ca ma ādhītaṃ ca me
vākca me manaśca me cakṣuśca me śrotraṃ ca me dakṣaśca me
balaṃ ca ma ojaśca me sahaśca ma āyuśca me
jarā ca ma ātmā ca me tanūśca me śarma ca me varma ca me
'ṅgāni ca me'sthāni ca me parūṣi ca me
śarīrāṇi ca me ॥ 1॥

jyaiṣṭhyaṃ ca ma ādhipathyaṃ ca me manyuśca me
bhāmaśca me'maśca me'mbhaśca me jemā ca me mahimā ca me
varimā ca me prathimā ca me varṣmā ca me drāghuyā ca me
vṛddhaṃ ca me vṛddhiśca me satyaṃ ca me śraddhā ca me
jagacca me dhanaṃ ca me vaśaśca me tviṣiśca me krīḍā ca me
modaśca me jātaṃ ca me janiṣyamāṇaṃ ca me sūktaṃ ca me
sukṛtaṃ ca me vittaṃ ca me vedyaṃ ca me bhūtaṃ ca me
bhaviṣyacca me sugaṃ ca me supathaṃ ca ma ṛddhaṃ ca ma ṛddhiśca me
kḷptaṃ ca me kḷptiśca me matiśca me sumatiśca me ॥ 2॥

śaṃ ca me mayaśca me priyaṃ ca me'nukāmaśca me
kāmaśca me saumanasaśca me bhadraṃ ca me śreyaśca me
vasyaśca me yaśaśca me bhagaśca me draviṇaṃ ca me
yantā ca me dhartā ca me kṣemaśca me dhṛtiśca me
viśvaṃ ca me mahaśca me saṃvicca me jñātraṃ ca me
sūśca me prasūśca me sīraṃ ca me layaśca ma ṛtaṃ ca me
'mṛtaṃ ca me'yakṣmaṃ ca me'nāmayacca me jīvātuśca me
dīrghāyutvaṃ ca me'namitraṃ ca me'bhayaṃ ca me sugaṃ ca me
śayanaṃ ca me sūṣā ca me sudinaṃ ca me ॥ 3॥

ūrkca me sūnṛtā ca me payaśca me rasaśca me
ghṛtaṃ ca me madhu ca me sagdhiśca me sapītiśca me
kṛṣiśca me vṛṣṭiśca me jaitraṃ ca ma audbhidyaṃ ca me
rayiśca me rāyaśca me puṣṭaṃ ca me puṣṭiśca me
vibhu ca me prabhu ca me bahu ca me bhūyaśca me
pūrṇaṃ ca me pūrṇataraṃ ca me'kṣitiśca me kūyavāśca me
'nnaṃ ca me'kṣucca me vrīhiyaśca me yavāśca me māṣāśca me
tilāśca me mudgāśca me khalvāśca me godhūmāśca me
masurāśca me priyaṃgavaśca me'ṇavaśca me
śyāmākāśca me nīvārāśca me ॥ 4॥

aśmā ca me mṛttikā ca me girayaśca me parvatāśca me
sikatāśca me vanaspatayaśca me hiraṇyaṃ ca me
'yaśca me sīsaṃ ca me trapuśca me śyāmaṃ ca me
lohaṃ ca me'gniśca ma āpaśca me vīrudhaśca ma
oṣadhayaśca me kṛṣṭapacyaṃ ca me'kṛṣṭapacyaṃ ca me
grāmyāśca me paśava āraṇyāśca yajñena kalpantāṃ
vittaṃ ca me vittiśca me bhūtaṃ ca me bhūtiśca me
vasu ca me vasatiśca me karma ca me śaktiśca me
'rthaśca ma emaśca ma itiśca me gatiśca me ॥ 5॥

agniśca ma indraśca me somaśca ma indraśca me
savitā ca ma indraśca me sarasvatī ca ma indraśca me
pūṣā ca ma indraśca me bṛhaspatiśca ma indraśca me
mitraśca ma indraśca me varuṇaśca ma indraśca me
tvaṣṭā ca ma indraśca me dhātā ca ma indraśca me
viṣṇuśca ma indraśca me'śvinau ca ma indraśca me
marutaśca ma indraśca me viśve ca me devā indraśca me
pṛthivī ca ma indraśca me'ntarīkṣaṃ ca ma indraśca me
dyauśca ma indraśca me diśaśca ma indraśca me
mūrdhā ca ma indraśca me prajāpatiśca ma indraśca me ॥ 6॥

aśuśca me raśmiśca me'dābhyaśca me'dhipatiśca ma
upāśuśca me'ntaryāmaśca ma aindravāyaśca me
maitrāvaruṇaśca ma āśvinaśca me pratipasthānaśca me
śukraśca me manthī ca ma āgrayaṇaśca me vaiśvadevaśca me
dhruvaśca me vaiśvānaraśca ma ṛtugrāhāśca me
'tigrāhyāśca ma aindrāgnaśca me vaiśvadevaśca me
marutvatīyāśca me māhendraśca ma ādityaśca me
sāvitraśca me sārasvataśca me pauṣṇaśca me
pātnīvataśca me hāriyojanaśca me ॥ 7॥

idhmaśca me barhiśca me vediśca me dhiṣṇiyāśca me
srucaśca me camasāśca me grāvāṇaśca me svaravaśca ma
uparavāśca me । adhiṣavaṇe ca me droṇakalaśaśca me
vāyavyāni ca me pūtabhṛcca me ādhavanīyaśca ma
āgnīdhraṃ ca me havirdhānaṃ ca me gṛhāśca me sadaśca me
puroḍāśāśca me pacatāśca me'vabhṛthaśca me
svagākāraśca me ॥ 8॥

agniśca me dharmaśca me'rkaśca me sūryaśca me
prāṇaśca me'śvamedhaśca me pṛthivī ca me' ditiśca me
ditiśca me dyauśca me śakkvarīraṅgulayo diśaśca me
yajñena kalpantāmṛkca me sāma ca me stomaśca me
yajuśca me dīkṣā ca me tapaśca ma ṛtuśca me vrataṃ ca me
'horātrayorvṛṣṭyā bṛhadrathantare ca me yajñena kalpetām ॥ 9॥

garbhāśca me vatsāśca me traviśca me travī ca me
dityavāṭ ca me dityauhī ca me pañcāviśca me
pañcāvī ca me trivatsaśca me trivatsā ca me
turyavāṭ ca me turyauhī ca me paṣṭhavāṭ ca me paṣṭhauhī ca ma
ukṣā ca me vaśā ca ma ṛṣabhaśca me vehaśca me
'naḍvāñca me dhenuśca ma āyuryajñena kalpatāṃ
prāṇo yajñena kalpatāmapāno yajñena kalpatāṃ
vyāno yajñena kalpatāṃ cakṣuryajñena kalpatā
śrotraṃ yajñena kalpatāṃ mano yajñena kalpatāṃ
vāgyajñena kalpatāmātmā yajñena kalpatāṃ
yajño yajñena kalpatām ॥ 10॥

ekā ca me tisraśca me pañca ca me sapta ca me
nava ca ma ekadaśa ca me trayodaśa ca me paṃcadaśa ca me
saptadaśa ca me navadaśa ca ma eka viśatiśca me
trayoviśatiśca me paṃcaviśatiśca me
saptaviśatiśca me navaviśatiśca ma
ekatriśacca me trayastriśacca me
catasraśca me'ṣṭau ca me dvādaśa ca me ṣoḍaśa ca me
viśatiśca me caturviśatiśca me'ṣṭāviśatiśca me
dvātriśacca me ṣaṭtriśacca me catvariśacca me
catuścatvāriśacca me'ṣṭācatvāriśacca me
vājaśca prasavaścāpijaśca kratuśca suvaśca mūrdhā ca
vyaśniyaścāntyāyanaścāntyaśca bhauvanaśca
bhuvanaścādhipatiśca ॥ 11॥

iḍā devahūrmanuryajñanīrbṛhaspatirukthāmadāni
śasiṣadviśvedevāḥ sūktavācaḥ pṛthivīmātarmā
mā hisīrmadhu maniṣye madhu janiṣye madhu vakṣyāmi
madhu vadiṣyāmi madhumatīṃ devebhyo vācamudyāsa
śuśrūṣeṇyāṃ manuṣyebhyastaṃ mā devā avantu
śobhāyai pitaro'numadantu ॥

॥ Om̃ śāntiḥ śāntiḥ śāntiḥ ॥

॥ Iti śrī kṛṣṇayajurvedīya taittirīya saṃhitāyāṃ
caturthakāṇḍe saptamaḥ prapāṭhakaḥ ॥