Sri Sarada Devi Stotram Tamil

Print !

Back

శ్రీ శారదా దేవి స్తోత్రం

(స్వామి అభేదానన్ద)

ప్రకృతిం పరమామభయాం వరదాం నరరూపధరాం జనతాపహరాం|

శరణాగతసేవకతోషకరీం ప్రణమామి పరాం జననీం జగతాం||

గుణహీనసుతానపరాధయుతాన్‍ కృపయాద్య సముద్ధర మోహగతాన్‍|

తరణీం భవసాగరపారకరీం ప్రణమామి పరాం జననీం జగతాం||

విషయం కుసుమం పరిహృత్య సదా చరణాంబురుహామృతశాన్తిసుధాం|

పిబ భృఙ్గమనో భవరోగహరాం ప్రణమామి పరాం జననీం జగతాం||

శ్లోకం

కృపాం కురు మహాదేవి సుతేషు ప్రణతేషు చ|

చరణాశ్రయదానేన కృపామయి నమోఽస్తు తే||

లజ్జాపటావృతే నిత్యం సారదే జ్ఞానదాయికే|

పాపేభ్యో నః సదా రక్ష కృపామయి నమోఽస్తు తే||

రామకృష్ణగతప్రాణాం తన్నామశ్రవణప్రియాం|

తద్భావరఞ్జితాకారాం ప్రణమామి ముహుర్‍హుః||

పవిత్రం చరితం యస్యాః పవిత్రం హీవనం తథా|

పవిత్రతాస్వరూపిణ్యై తస్యై కుర్‍మో నమో నమః||

భజన్‍

దేవీం ప్రసన్నాం ప్రణతార్‍తిహన్త్రీం యోగీన్ద్రపూజ్యాం
యుగధర్‍మ్మపాత్రీం|

తాం సారదాం భక్తివిజ్ఞానదాత్రీం దయాస్వరూపాం
ప్రణమామి నిత్యం||

స్నేహేన బధ్నాసి మనోఽస్మదీయం దోషానశేషాన్ సగుణీకరోషి|

అహేతునా నో దయసే సదోషాన్‍ స్వాఙ్కే గృహీత్వా యదిదం
విచిత్రం||

ప్రసీద మాతర్వినయేన యాచే నిత్యం భవ స్నేహవతీ సుతేషు|

ప్రేమైకబిన్దుం చిరదగ్ధచిత్తే విషిఞ్చ చిత్తం
కురు నః సుశాన్తం||

శ్లోకం

జననీం సారదాం దేవీం రామకృష్ణం జగద్గురుం|

పాదపద్మే తయోః శ్రిత్వా ప్రణమామి ముహుర్‍ముహుః||

Spread the message
Night Mode