Sri Ramana Maharshi Upadeshasaram Malayalam

Print !



Sri Ramana Maharshi Upadeshasaram MalayalamBack

ഉപദേശസാരം (രമണ മഹര്‍ഷി)

1. കര്‍തുരാജ്ഞയാ പ്രാപ്യതേ ഫലം

കര്‍മ്മ കിം പരം കര്‍മ്മ തജ്ജഡം

2. കൃതിമഹോദധൗ പതനകാരണം

ഫലമശാശ്വതം ഗതിനിരോധകം

3. ഈശ്വരാര്‍പിതം നേച്ഛയാ കൃതം

ചിത്തശോധകം മുക്തിസാധകം

4. കായവാങ്മനഃ കാര്യമുത്തമം

പൂജനം ജപശ്ചിന്തനം ക്രമാത്

5. ജഗത ഈശധീയുക്തസേവനം

അഷ്ടമൂര്‍ത്തിഭൃ ദ്ദേവപൂജനം

6. ഉത്തമസ്തവാദുച്ചമന്ദതഃ

ചിത്തജം ജപധ്യാനമുത്തമം

7. ആജ്യധാരയാ സ്രോതസാ സമം

സരലചിന്തനം വിരലത: പരം

8. ഭേദഭാവനാത് സോഹമിത്യസൗ

ഭാവനാഭിദാ പാവനീ മതാ

9. ഭാവശൂന്യസദ്ഭാവസുസ്ഥിതിഃ

ഭാവനാബലാദ് ഭക്തിരുത്തമാ

10. ഹൃത്‌സ്ഥലേ മനഃസ്വസ്ഥതാ ക്രിയാ

ഭക്തിയോഗബോധാശ്ച നിശ്ചിതം

11. വായുരോധനാല്ലീയതേ മനഃ

ജാലപക്ഷിവദ്രോധസാധനം

12. ചിത്തവായവശ്ചിത്‌ക്രിയായുതാഃ

ശാഖയോര്‍ധ്വയീ ശക്തിമൂലകാ

13. ലയവിനാശനേ ഉഭയരോധനേ

ലയഗതം പുനര്‍ഭവതി നോ മൃതം

14. പ്രാണബന്ധനാല്ലീനമാനസം

ഏകചിന്തനാന്നാശമേതൃദഃ

15. നഷ്ടമാനസോത്‌കൃഷ്ടയോഗിനഃ

കൃത്യമസ്തി കിം സ്വസ്ഥിതിം യതഃ

16. ദൃശ്യവാരിതം ചിത്തമാത്മനഃ

ചിത്ത്വദര്‍ശനം തത്ത്വദര്‍ശനം

17. മാനസം തു കിം മാര്‍ഗണേ കൃതേ

നൈവ മാനസം മാര്‍ഗ ആര്‍ജവാത്‌

18. വൃത്തയസ്ത്വഹംവൃത്തിമാശ്രിതാ:

വൃത്തയോ മനോ വിദ്ധ്യഹം മനഃ

19. അഹമയം കുതോ ഭവതി ചിന്വതഃ

അയി പതത്യഹം നിജവിചാരണം

20. അഹമി നാശഭാജ്യഹമഹംതയാ

സ്ഫുരതി ഹൃത്‌സ്വയം പരമപൂര്‍ണസത്‌

21. ഇദമഹംപദാഭിഖ്യമന്വഹം

അഹമി ലീനകേ പ്യലയസത്തയാ

22. വിഗ്രഹേന്ദ്രിയപ്രാണധീതമഃ

നാഹമേകസത്തജ്ജഡം ഹ്യസത്‌

23. സത്ത്വഭാസികാ ചിത്‌ ക്വവേതരാ

സത്തയാ ഹി ചിത് ചിത്തയാ ഹ്യഹം

24. ഈശജീവയോര്‍വേഷധീഭിദാ

സത്‌സ്വഭാവതോ വസ്തുകേവലം

25. വേഷഹാനതഃ സ്വാത്മദര്‍ശനം

ഈശദര്‍ശനം സ്വാത്മരൂപതഃ

26. ആത്മസംസ്ഥിതിഃ സ്വാത്മദര്‍ശനം

ആത്മനിര്‍ദ്വയാദാത്മനിഷ്ഠതാ

27. ജ്ഞാനവര്‍ജിതാ ജ്ഞാനഹീനചിത്‌

ജ്ഞാനമസ്തി കിം ജ്ഞാതുമന്തരം

28. കിം സ്വരൂപമിത്യാത്മദര്‍ശനേ

അവ്യയാഭവാ പൂര്‍ണചിത്‌സുഖം

29. ബന്ധമുക്ത്യതീതം പരം സുഖം

വിന്ദതീഹ ജീവസ്തു ദൈവികഃ

30. അഹമപേതകം നിജവിഭാനകം

മഹദിദം തപോ രമണവാഗിയം

Spread the message
Night Mode