Sri Ramanachatvarimshat Oriya

Print !



Sri Ramanachatvarimshat Oriya Back

ଶ୍ରୀରମଣଚତ୍ଵାରିଂଶତ୍

ଵନ୍ଦେ ଶ୍ରୀରମଣର୍‍ଷେରାଚାର୍ଯସ୍ଯ ପଦାବ୍ଜଂ |

ଯୋ ମେଽଦର୍‍ଶଯଦୀଶଂ ଭାନ୍ତଂ ଧ୍ଵାନ୍ତମତୀତ୍ଯ ||

କଥଯା ନିଜଯା କଲୁଷଂ ହରତା କରୁଣାନିଧିନାଽରୁଣଶୈଲଜୁଷା
|

ଖଗଵାହନଭାଷିତତତ୍ତ୍ଵଵିଦା ଵୃଷଵାହନମୌନରହସ୍ଯଭୃତା
|| 1||

ଗଣରାଣ୍‍ମୁଖସୂରିସଭାଗୁରୁଣା ଗୁଣସଞ୍ଚଯରତ୍ନମହୋଦଧିନା
|

ଘନଗୂଢସହସ୍ରକରେଣ ଯଥା ତନୁକଞ୍ଚୁକଗୁପ୍ତମହାମହସା || 2||

ଚତୁରେଣ ଚଲେନ୍ଦ୍ରିଯନିଗ୍ରହଣେ ପଟୁନା ପରକୀଯଗୁଣଗ୍ରହଣେ
|

ଛଲଵର୍‍ଜିତମୌନସମାଧିଜୁଷା ବଲତର୍‍ଜିତଭୀକରକାମରୁଷା
|| 3||

ଜଠରଂ ସମଯେ ପରିପୂରଯତା କଠିନଂ ଵ୍ରତମଦ୍ରିତଟେ ଚରତା |

ଝଷକେତନଶସ୍ତ୍ରଦୁରାପହୃଦା କୃଷିମାତ୍ମଵିବୋଧଵିଦୌ ଦଧତା
|| 4||

ଭଵଭୀକରଵାରିନିଧିଂ ତରତା କରତାମରସେନ ସୁପାତ୍ରଵତା |

ସ୍ଵଦୃଶାଽଧିକଶୀତଲକାନ୍ତିଭୃତା ଭଯମଙ୍ଘ୍ରିସରୋଜଜୁଷାଂ
ହରତା
|| 5||

ନମତାମତିଭକ୍ତିମତାଂ ନିଧିନା ଘନତାପଵିଧୂନନସନ୍ନିଧିନା
|

ଯତିଧର୍‍ମତତିଂ ପରିପାଲଯତା ପରିତଶ୍ଚ ତମୋ ଵିନିଵାରଯତା
|| 6||

ଫଣିନାଯକଵର୍‍ଣ୍ଯଗୁଣୌଘଭୃତା ଭଣିତୀଃ ପ୍ରିଯସତ୍ଯହିତା
ଭଣତା
|

ବହୁମାନଵଶାଦଯତା ସୁଖିତାମଵମାନତତେରଵିଦୂନଵତା || 7||

ଯତିନାମଧିପେନ କୁଶାଗ୍ରଲସନ୍‍ମତିନା ଧୃତିନା ଶିତଚିତ୍ତଭୁଵା
|

ଲହରୀମ୍ପ୍ରମଦସ୍ଯ ସଦାଵହତା ନିହତାନ୍ତରଶାତ୍ରଵସଂହତିନା
|| 8||

ଭଗଵତ୍ପଦମନ୍ଯଜନାସୁଲଭଂ ସ୍ଵଗୁଣୈରଧିଗତ୍ଯ ପରଂ ଜଯତା
|

ମମତାରହିତେନ ହିତେନ ସତାଂ ନିହିତେନ ଗଣପ୍ରଭୁଣା ହୃଦଯେ
|| 9||

ଧରଣୀଧରଜାଙ୍କମପି ତ୍ଯଜତା ଧରଣୀତଲଵାସିତମୋଧୁତଯେ |

ନରଵେଷଭୃତା ନଗରନ୍ଧ୍ରକୃତା ରମଣେନ ସନାଥମିଦଂ ଭୁଵନଂ
|| 10||

ପରଦେଶିନେଵ ଧଵଲେନ ଵାସସଃ ଶକଲେନ ଵେଷ୍ଟିତକଟୀଵିଶୋଭିନା
|

ଵରଦେଶିକେନ ନରଵେଷଧାରିଣା ଶିଖିଵାହନେନ ଗୁରୁମଜ୍ଜଗଦ୍ଭଵେତ୍
|| 11||

ଅତୀତଗୁଣଜାଲାଯ ନୈଷ୍ଠିକବ୍ରହ୍ମଚାରିଣେ |

ନମୋ ମାଯାମନୁଷ୍ଯାଯ ଗୁରଵେ ତାରକାରଯେ || 12||

ଯାନାଯାତ୍ର ନ କେକିନାଂ କୁଲପତିଃ ସ୍ନାନାଯ ନ ସ୍ଵର୍‍ଣଦୀ

ପାନାଯ କ୍ଷିତିଭୃନ୍‍ମହେନ୍ଦ୍ର ଦୁହିତୁର୍‍ନସ୍ତନ୍ଯଦୁଗ୍ଧାମୃତଂ
|

ଗାନାଯ ପ୍ରମଥେଶ୍ଵରାସ୍ସଵଯସୋ ନୈଵାତ୍ର ଵୀଣାଭୃତୋ

ଵାସଂ ଶୋଣଗିରୌ କରୋଷି ଭଗଵନ୍‍କ୍ରୌଞ୍ଚାଦ୍ରିଭେତ୍ତଃ
କୁତଃ
|| 13||

ଏକଂ ଵକ୍ତ୍ରମୁମାଙ୍କଵାସଵିରହଃ ପାଣୌ ନ ଶକ୍ତ୍ଯାଯୁଧଂ

ମର୍‍ତ୍ଯତ୍ଵଂ ନ ପତାକିନୀ ଚ ପୃତନା ପାର୍‍ଶ୍ଵଦ୍ଵଯେ ନାକିନାଂ
|

ଵେଷୋଽଲଂ ପୁନରେଷ ମୁଗ୍ଧନଯନପ୍ରଚ୍ଛାଦନେ ଭୂଜୁଷା-

ମନ୍ତର୍‍ଧାନମୁପୈଷି ତାରକରିପୋ କ୍ଵ ସ୍ତନ୍ଯଦାଯାଦତଃ
|| 14||

କେଚିଦ୍ଯୋଗଵିଦାଂ ପୁରଃସର ଇତି ପ୍ରଜ୍ଞାନିବୁଦ୍ଧ୍ଯା
ପରେ

ସାଧୁଃ କଶ୍ଚିଦିତୀତରେ ଗୁରୁଧିଯା କେଽପ୍ଯଙ୍ଘ୍ରିପଦ୍ମଂ
ତଵ
|

ସେଵନ୍ତେ ରମଣାଭିଧାନମନୁଜକ୍ଷେମାଯ ଜାତକ୍ଷିତୌ

ଦ୍ଵିତ୍ରାସ୍ତ୍ଵାଂ ଗିରିଜାଙ୍କପୀଠନିଲଯଂ ଜାନନ୍ତି ଦେଵଂ
ଗୁହଂ
|| 15||

ଓଙ୍କାରାର୍‍ଥମୁପାଦିଶୋ ଭଗଵତେ ଵାଣୀମନୋହାରିଣେ

ତାତାଯାପ୍ଯୁପଦେଷ୍ଟୁମୁଦ୍ଯତମଭୂତ୍ କିଞ୍ଚିତ୍ତ୍ଵଦୀଯଂ
ମୁଖଂ
|

ଜ୍ଯେଷ୍ଠସ୍ଯାଦ୍ଯ ସହୋଦରସ୍ଯ ଗୁରୁତାଂ ପ୍ରାପ୍ତୋଽସି
ଧୀଗୌରଵାତ୍

ସୁବ୍ରହ୍ମଣ୍ଯ କନିଷ୍ଠତାମପି ଗତଃ ସର୍‍ଵାଧିକସ୍ତ୍ଵଂ
ଗୁଣୈଃ
|| 16||

ଯତ୍ପୂର୍‍ଵଂ ଶ୍ରୁତିପାରଦର୍‍ଶିଧିଷଣୋ ଦ୍ଵୈପାଯନୋଽଧ୍ଯାରୁହତ୍

ପଶ୍ଚାଦ୍ବୋଧକଲାଵିଧୂତତିମିରଃ ଶଙ୍କାପହଶ୍ଶଙ୍କରଃ |

ତତ୍ସମ୍ପ୍ରତ୍ଯଖିଲାଵନୀତଲଜୁଷାମାଚାର୍ଯସିଂହାସନଂ

ଦେଵ ତ୍ଵାଂ ପ୍ରତିଵୀକ୍ଷତେ ନରତନୋ ଗୀର୍‍ଵାଣସେନାପତେ
|| 17||

ଧର୍‍ମେ ନାଶମୁପାଗତେ ତ୍ରିଭୁଵନେ ପର୍ଯାକୁଲେ ପାପତଃ

ପ୍ରଜ୍ଞାନେ ପରିତୋ ଗିରାଂ ପଥି ମୁଧା ସଞ୍ଚାର୍ଯମାଣେ ଜନୈଃ
|

ସଦ୍ଭାଵେ ପରମେଶ୍ଵରସ୍ଯ ଚ ପିତୁଃ ସନ୍ଦେହଡୋଲାଂ ଗତେ

ଦ୍ଵୀପଃ କୈତଵମର୍‍ତ୍ଯକେକିତୁରଗ ତ୍ଵାମନ୍ତରା କସ୍ସତାଂ
|| 18||

ଵୈରାଗ୍ଯଂ ତଵ ଵିତ୍ତମସ୍ତୁ କରୁଣାଂ ଶକ୍ନୋଷି ହାତୁଂ କଥଂ

ଦୂଶ୍ଯସ୍ତେଽସ୍ତୁ ସମୁଦ୍ଯମଃ ପିତୃପଦଧ୍ଯାନଂ ଚ କିଂ ତାଦୃଶଂ
|

କାମସ୍ତେଽସ୍ତୁ ଵିଗର୍‍ହିତୋ ଵିନମତାଂ ରକ୍ଷା ଚ କିଂ ଗର୍‍ହିତା

ସ୍କନ୍ଦଚ୍ଛଦ୍ମମନୁଷ୍ଯ କିଂ ନୁ ସମଯଂ କଞ୍ଚିତ୍ସମୁଦ୍ଵୀକ୍ଷସେ
|| 19||

ଦୂରଂ ଯାହି କୁଵାଦ ଧର୍‍ମଵୃଷ ତେ ନେତଃ ପରଂ ପଙ୍ଗୁତା

ଦୁର୍‍ଭ୍ରାନ୍ତେ ଭୁଵନଂ ଜହୀହି ପରିତୋ ଵର୍‍ଧସ୍ଵ ସଂସତ୍ସତାଂ
|

ସୋଦର୍ଯେଣ ସମନ୍ଵିତୋ ଭୁଵମିମାଂ ପ୍ରାପ୍ତୋ ଗୁରୁଗ୍ରାମଣୀଃ

ଶୂରାନ୍ତଃପୁରନେତ୍ରଵିଭ୍ରମହରୋ ଦେଵୋ ଭଵାନୀସୁତଃ || 20||

ଜନ୍‍ମସ୍ଥାନମଵାପ୍ଯ ଗୁପ୍ତମହମୋ ଯୋ ଭେଦମାଧୂତଵାନ୍‍

ଭୂତାନାଂ ଚରତାଂ ପୃଥଗ୍ଵିଧଧିଯାମାତ୍ମୈଵ ଯୋ ଭାସତେ |

ଦେହଂ ସର୍‍ଵମିଦଂ ଜଗଚ୍ଚ ଵିଭଵାଦାକ୍ରଂଯ ଯଃ ପ୍ରୋଲ୍ଲସ-

ତ୍ଯେକସ୍ତଂ ଗୁରୁମୂର୍‍ତିମାନମତ ରେ ଲଂବୋଦରଭ୍ରାତରଂ
|| 21||

ଅନ୍ତର୍ଯଶ୍ଚ ବହିର୍‍ଵିଧୂତତିମିରଂ ଜ୍ଯୋତିର୍‍ମଯଂ ଶାଶ୍ଵତଂ

ସ୍ଥାନଂ ପ୍ରାପ୍ଯ ଵିରାଜତେ ଵିନମତାମଜ୍ଞାନମୁନ୍‍ମୂଲଯନ୍‍
|

ପଶ୍ଯନ୍ଵିଶ୍ଵମପୀଦମୁଲ୍ଲସତି ଯୋ ଵିଶ୍ଵସ୍ଯ ପାରେ ପର-

ସ୍ତସ୍ମୈ ଶ୍ରୀରମଣାଯ ଲୋକଗୁରଵେ ଶୋକସ୍ଯ ହନ୍ତ୍ରେ ନମଃ
|| 22||

ପ୍ରସରତାଦିତଃ ଶୁଭଵିଲୋକିତଂ |

ରମଣ ତେ ସକୃତ୍ଫଲତୁ ମେ କୃତଂ || 23||

ରମଣ ଜନ୍‍ମିନାମଯି ଭଵାନ୍‍ଗୁରୁଃ |

ଅଭିଦ ଆଶଯସ୍ତଵ ମହାନୁରୁଃ || 24||

ଜଗଦହଂ ପରଃ ସ୍ଫୁରତି ମେ ତ୍ରଯଂ |

ସଦଭିଦଂ ଗିରା ତଵ ଵିସଂଶଯଂ || 25||

ତ୍ଵଦୁପଦେଶତୋ ଗଲତି ସଂଵିଦା |

ମଯି ନିରନ୍ଯଯା ସଦହମୋର୍‍ଭିଦା || 26||

ଅହମି ଯୋଽନ୍ତରସ୍ତମମଲଂ ହୃଦି |

ଅନୁଭଵେମ ଭୋସ୍ତଵ କୃପା ଯଦି || 27||

ନ କରୁଣା ଗୁଣସ୍ତଵ ଵିଦାଂ ପତେ |

ହୃଦଯତେଜସଃ ସହଜଭୈଵତେ || 28||

ତଵ ତନୁର୍‍ଜ୍ଵଲତ୍ଯନଘ ଵିଦ୍ଯୁତା |

ତଵ ଦୃଗାତତା ଲସତି ଭାସ୍ଵତା || 29||

କବଲିତଂ ମନସ୍ତଵ ଵିଭୋ ହୃଦା |

ତ୍ଵମସି ସନ୍ତତଂ ଵିଲସିତୋ ମୁଦା || 30||

ଭୁଵନଭୂପତେର୍‍ଭଗଵତଃ କୃତେ |

ଭଵସି ପାଚକୋ ଯମଵତାଂ ପତେ || 31||

ନରପଶୂନିମାନହମି ତାଡଯନ୍‍|

ପରଶିଵୌଦନଂ ଵିତନୁଷେ ପଚନ୍‍|| 32||

ତିମିରାଣି ନ କେଵଲଂ ଵଚୋଭିଃ

କରୁଣାପାଙ୍ଗଵିଲୋକିତୈଶ୍ଚ ନୃଣାଂ |

ହୃଦଯେ ପ୍ରସରନ୍ତି ମର୍‍ଦଯନ୍ତଂ

ଭଗଵନ୍ତଂ ରମଣଂ ଗୁରୁଂ ନମାମି || 33||

ଭଵଜଲନିଧିଂ ଗାହଂ ଗାହଂ ଚିରାଦଲସାଲସାନ୍‍

ପଦଜଲରୁହଦ୍ଵନ୍ଦ୍ଵଦ୍ଵୀପଂ ଶ୍ରିତାଂସ୍ତଵ ସମ୍ପ୍ରତି
|

ରମଣଭଗଵନ୍‍କଲ୍ଯାଣାନାଂ ନିକେତନ ପାହି ନଃ

ସଦଯ ଦଯଯା ସିକ୍ତୈର୍‍ଭକ୍ତାନପାଙ୍ଗଵିଲୋକିତୈଃ || 34||

ଯଦି ନ ଜନନୀ ସ୍ତନ୍ଯଂ ଦଦ୍ଯାଚ୍ଛିଶୋର୍‍ବତ କା ଗତିଃ

ଯଦି ପଶୁପତିଃ କ୍ରୋଧଂ କୁର୍ଯାତ୍ପଶୋରଵନଂ କୁତଃ |

ଯଦି ପଦଜୁଷାମାଚାର୍ଯ ତ୍ଵଂ ନିହଂସି ନ ସଂଶଯଂ

ଭ୍ରମଶତପରାଭୂତା ଏତେ ତରନ୍ତୁ ଭଵଂ କଥଂ || 35||

ଵିଶଦହସିତେ ପୂର୍‍ଣା ଶାନ୍ତିଃ ସୁଧାକରସୋଦରେ

ସ୍ଥିରପୃଥୁଲଯୋଃ ପୂର୍‍ଣା ଶକ୍ତିର୍‍ଦୃଶୋରତୁଲାର୍‍ଚିଷୋଃ
|

ହୃଦଯକମଲେ ନିତ୍ଯା ନିଷ୍ଠା ବହିଶ୍ଚ ସରତ୍ପ୍ରଭେ

ରମଣଭଗଵନ୍‍କୋ ଵା ମୌନୀ ସମସ୍ତଵ ଭୂତଲେ || 36||

ଦେଵୀ ଶକ୍ତିରିଯଂ ଦୃଶୋଃ ଶ୍ରିତଜନଧ୍ଵାନ୍ତକ୍ଷଯାଧାଯିନୀ

ଦେଵୀ ଶ୍ରୀରିଯମଂବୁଜାକ୍ଷମହିଷୀ ଵକ୍ତ୍ରୋ ସହସ୍ରଚ୍ଛଦେ
|

ଦେଵୀ ବ୍ରହ୍ମଵଧୂରିଯଂ ଵିଜଯତେ ଵ୍ଯାହାରଗୂଢା ପରା

ଵିଶ୍ଵାଚାର୍ଯ ମହାନୁଭାଵ ରମଣ ତ୍ଵାଂ ସ୍ତୌତୁ କଃ ପ୍ରାକୃତଃ
|| 37||

ସୋଽହଂ ଜାତୋ ରମଣଭଗଵନ୍‍ପାଦଯୋସ୍ତେ ଦଵିଷ୍ଠୋ

ଯଦ୍ଯପ୍ଯସ୍ମିନ୍‍ମହତି ସମଯେ ଶକ୍ତିଲାସ୍ଯେ ପ୍ରଵୃତ୍ତେ
|

ସୂର୍ଯସ୍ଯେଵ ଜ୍ଵଲିତମହସୋ ଦୂରଗାଂ ନାଥ ଶକ୍ତିଂ

ଵିଶ୍ଵସ୍ଯାଗ୍ଯ୍ରାଂ ତଵ ମମ ମନୋ ଵୀତଦୁଃଖଂ ତଥାପି || 38||

ତଦ୍ଭାଗଧେଯମସମାନମନେକମୌନି-

ଵାସାର୍‍ଜିତଂ କ୍ଷିତିଭୃତଃ ଖଲୁ ଲୋହିତସ୍ଯ |

ଅଂଗୀଚକାର ଭଗଵାନ୍‍ରମଣୋ ମହର୍‍ଷି-

ରନ୍ଯେଷୁ ସତ୍ସୁ ଯଦିମଂ ବହୁଷୁ ସ୍ଥଲେଷୁ || 39||

ଶାନ୍ତିର୍‍ନିତାନ୍ତମଧିକା ପରମାସ୍ଯ ଶକ୍ତି-

ର୍‍ଵୈରାଗ୍ଯମଦ୍ଭୁତତମଂ କରୁଣା ତୁ ସାନ୍ଦ୍ରା |

ଜ୍ଞାନଂ ନିରସ୍ତକୁହନଂ ମଧୁରଂ ଚ ଵୃତ୍ତଂ

ନୃଣାଂ ନିଦର୍‍ଶନମଯଂ ରମଣୋ ମହର୍‍ଷିଃ || 40||

ନାରସିଂହିର୍‍ଗଣପତିର୍‍ଵାସିଷ୍ଠୋ ରମଣଂ ଗୁରୁଂ |

ଚତ୍ଵାରିଂଶନ୍‍ମିତୈଃ ପଦ୍ଯୈଃ ସ୍କନ୍ଦାଂଶଂ ସ୍ତୁତଵାନୃଷିଂ
||

ଓଂ ତତ୍ ସତ୍

Spread the message
Night Mode