Sri Ramanachatvarimshat Bengali

Print !



Sri Ramanachatvarimshat Bengali Back

শ্রীরমণচত্ৱারিংশত্

ৱন্দে শ্রীরমণর্‍ষেরাচার্যস্য পদাব্জং |

যো মেঽদর্‍শযদীশং ভান্তং ধ্ৱান্তমতীত্য ||

কথযা নিজযা কলুষং হরতা করুণানিধিনাঽরুণশৈলজুষা
|

খগৱাহনভাষিততত্ত্ৱৱিদা ৱৃষৱাহনমৌনরহস্যভৃতা
|| 1||

গণরাণ্‍মুখসূরিসভাগুরুণা গুণসঞ্চযরত্নমহোদধিনা
|

ঘনগূঢসহস্রকরেণ যথা তনুকঞ্চুকগুপ্তমহামহসা || 2||

চতুরেণ চলেন্দ্রিযনিগ্রহণে পটুনা পরকীযগুণগ্রহণে
|

ছলৱর্‍জিতমৌনসমাধিজুষা বলতর্‍জিতভীকরকামরুষা
|| 3||

জঠরং সমযে পরিপূরযতা কঠিনং ৱ্রতমদ্রিতটে চরতা |

ঝষকেতনশস্ত্রদুরাপহৃদা কৃষিমাত্মৱিবোধৱিদৌ দধতা
|| 4||

ভৱভীকরৱারিনিধিং তরতা করতামরসেন সুপাত্রৱতা |

স্ৱদৃশাঽধিকশীতলকান্তিভৃতা ভযমঙ্ঘ্রিসরোজজুষাং
হরতা
|| 5||

নমতামতিভক্তিমতাং নিধিনা ঘনতাপৱিধূননসন্নিধিনা
|

যতিধর্‍মততিং পরিপালযতা পরিতশ্চ তমো ৱিনিৱারযতা
|| 6||

ফণিনাযকৱর্‍ণ্যগুণৌঘভৃতা ভণিতীঃ প্রিযসত্যহিতা
ভণতা
|

বহুমানৱশাদযতা সুখিতামৱমানততেরৱিদূনৱতা || 7||

যতিনামধিপেন কুশাগ্রলসন্‍মতিনা ধৃতিনা শিতচিত্তভুৱা
|

লহরীম্প্রমদস্য সদাৱহতা নিহতান্তরশাত্রৱসংহতিনা
|| 8||

ভগৱত্পদমন্যজনাসুলভং স্ৱগুণৈরধিগত্য পরং জযতা
|

মমতারহিতেন হিতেন সতাং নিহিতেন গণপ্রভুণা হৃদযে
|| 9||

ধরণীধরজাঙ্কমপি ত্যজতা ধরণীতলৱাসিতমোধুতযে |

নরৱেষভৃতা নগরন্ধ্রকৃতা রমণেন সনাথমিদং ভুৱনং
|| 10||

পরদেশিনেৱ ধৱলেন ৱাসসঃ শকলেন ৱেষ্টিতকটীৱিশোভিনা
|

ৱরদেশিকেন নরৱেষধারিণা শিখিৱাহনেন গুরুমজ্জগদ্ভৱেত্
|| 11||

অতীতগুণজালায নৈষ্ঠিকব্রহ্মচারিণে |

নমো মাযামনুষ্যায গুরৱে তারকারযে || 12||

যানাযাত্র ন কেকিনাং কুলপতিঃ স্নানায ন স্ৱর্‍ণদী

পানায ক্ষিতিভৃন্‍মহেন্দ্র দুহিতুর্‍নস্তন্যদুগ্ধামৃতং
|

গানায প্রমথেশ্ৱরাস্সৱযসো নৈৱাত্র ৱীণাভৃতো

ৱাসং শোণগিরৌ করোষি ভগৱন্‍ক্রৌঞ্চাদ্রিভেত্তঃ
কুতঃ
|| 13||

একং ৱক্ত্রমুমাঙ্কৱাসৱিরহঃ পাণৌ ন শক্ত্যাযুধং

মর্‍ত্যত্ৱং ন পতাকিনী চ পৃতনা পার্‍শ্ৱদ্ৱযে নাকিনাং
|

ৱেষোঽলং পুনরেষ মুগ্ধনযনপ্রচ্ছাদনে ভূজুষা-

মন্তর্‍ধানমুপৈষি তারকরিপো ক্ৱ স্তন্যদাযাদতঃ
|| 14||

কেচিদ্যোগৱিদাং পুরঃসর ইতি প্রজ্ঞানিবুদ্ধ্যা
পরে

সাধুঃ কশ্চিদিতীতরে গুরুধিযা কেঽপ্যঙ্ঘ্রিপদ্মং
তৱ
|

সেৱন্তে রমণাভিধানমনুজক্ষেমায জাতক্ষিতৌ

দ্ৱিত্রাস্ত্ৱাং গিরিজাঙ্কপীঠনিলযং জানন্তি দেৱং
গুহং
|| 15||

ওঙ্কারার্‍থমুপাদিশো ভগৱতে ৱাণীমনোহারিণে

তাতাযাপ্যুপদেষ্টুমুদ্যতমভূত্ কিঞ্চিত্ত্ৱদীযং
মুখং
|

জ্যেষ্ঠস্যাদ্য সহোদরস্য গুরুতাং প্রাপ্তোঽসি
ধীগৌরৱাত্

সুব্রহ্মণ্য কনিষ্ঠতামপি গতঃ সর্‍ৱাধিকস্ত্ৱং
গুণৈঃ
|| 16||

যত্পূর্‍ৱং শ্রুতিপারদর্‍শিধিষণো দ্ৱৈপাযনোঽধ্যারুহত্

পশ্চাদ্বোধকলাৱিধূততিমিরঃ শঙ্কাপহশ্শঙ্করঃ |

তত্সম্প্রত্যখিলাৱনীতলজুষামাচার্যসিংহাসনং

দেৱ ত্ৱাং প্রতিৱীক্ষতে নরতনো গীর্‍ৱাণসেনাপতে
|| 17||

ধর্‍মে নাশমুপাগতে ত্রিভুৱনে পর্যাকুলে পাপতঃ

প্রজ্ঞানে পরিতো গিরাং পথি মুধা সঞ্চার্যমাণে জনৈঃ
|

সদ্ভাৱে পরমেশ্ৱরস্য চ পিতুঃ সন্দেহডোলাং গতে

দ্ৱীপঃ কৈতৱমর্‍ত্যকেকিতুরগ ত্ৱামন্তরা কস্সতাং
|| 18||

ৱৈরাগ্যং তৱ ৱিত্তমস্তু করুণাং শক্নোষি হাতুং কথং

দূশ্যস্তেঽস্তু সমুদ্যমঃ পিতৃপদধ্যানং চ কিং তাদৃশং
|

কামস্তেঽস্তু ৱিগর্‍হিতো ৱিনমতাং রক্ষা চ কিং গর্‍হিতা

স্কন্দচ্ছদ্মমনুষ্য কিং নু সমযং কঞ্চিত্সমুদ্ৱীক্ষসে
|| 19||

দূরং যাহি কুৱাদ ধর্‍মৱৃষ তে নেতঃ পরং পঙ্গুতা

দুর্‍ভ্রান্তে ভুৱনং জহীহি পরিতো ৱর্‍ধস্ৱ সংসত্সতাং
|

সোদর্যেণ সমন্ৱিতো ভুৱমিমাং প্রাপ্তো গুরুগ্রামণীঃ

শূরান্তঃপুরনেত্রৱিভ্রমহরো দেৱো ভৱানীসুতঃ || 20||

জন্‍মস্থানমৱাপ্য গুপ্তমহমো যো ভেদমাধূতৱান্‍

ভূতানাং চরতাং পৃথগ্ৱিধধিযামাত্মৈৱ যো ভাসতে |

দেহং সর্‍ৱমিদং জগচ্চ ৱিভৱাদাক্রংয যঃ প্রোল্লস-

ত্যেকস্তং গুরুমূর্‍তিমানমত রে লংবোদরভ্রাতরং
|| 21||

অন্তর্যশ্চ বহির্‍ৱিধূততিমিরং জ্যোতির্‍মযং শাশ্ৱতং

স্থানং প্রাপ্য ৱিরাজতে ৱিনমতামজ্ঞানমুন্‍মূলযন্‍
|

পশ্যন্ৱিশ্ৱমপীদমুল্লসতি যো ৱিশ্ৱস্য পারে পর-

স্তস্মৈ শ্রীরমণায লোকগুরৱে শোকস্য হন্ত্রে নমঃ
|| 22||

প্রসরতাদিতঃ শুভৱিলোকিতং |

রমণ তে সকৃত্ফলতু মে কৃতং || 23||

রমণ জন্‍মিনামযি ভৱান্‍গুরুঃ |

অভিদ আশযস্তৱ মহানুরুঃ || 24||

জগদহং পরঃ স্ফুরতি মে ত্রযং |

সদভিদং গিরা তৱ ৱিসংশযং || 25||

ত্ৱদুপদেশতো গলতি সংৱিদা |

মযি নিরন্যযা সদহমোর্‍ভিদা || 26||

অহমি যোঽন্তরস্তমমলং হৃদি |

অনুভৱেম ভোস্তৱ কৃপা যদি || 27||

ন করুণা গুণস্তৱ ৱিদাং পতে |

হৃদযতেজসঃ সহজভৈৱতে || 28||

তৱ তনুর্‍জ্ৱলত্যনঘ ৱিদ্যুতা |

তৱ দৃগাততা লসতি ভাস্ৱতা || 29||

কবলিতং মনস্তৱ ৱিভো হৃদা |

ত্ৱমসি সন্ততং ৱিলসিতো মুদা || 30||

ভুৱনভূপতের্‍ভগৱতঃ কৃতে |

ভৱসি পাচকো যমৱতাং পতে || 31||

নরপশূনিমানহমি তাডযন্‍|

পরশিৱৌদনং ৱিতনুষে পচন্‍|| 32||

তিমিরাণি ন কেৱলং ৱচোভিঃ

করুণাপাঙ্গৱিলোকিতৈশ্চ নৃণাং |

হৃদযে প্রসরন্তি মর্‍দযন্তং

ভগৱন্তং রমণং গুরুং নমামি || 33||

ভৱজলনিধিং গাহং গাহং চিরাদলসালসান্‍

পদজলরুহদ্ৱন্দ্ৱদ্ৱীপং শ্রিতাংস্তৱ সম্প্রতি
|

রমণভগৱন্‍কল্যাণানাং নিকেতন পাহি নঃ

সদয দযযা সিক্তৈর্‍ভক্তানপাঙ্গৱিলোকিতৈঃ || 34||

যদি ন জননী স্তন্যং দদ্যাচ্ছিশোর্‍বত কা গতিঃ

যদি পশুপতিঃ ক্রোধং কুর্যাত্পশোরৱনং কুতঃ |

যদি পদজুষামাচার্য ত্ৱং নিহংসি ন সংশযং

ভ্রমশতপরাভূতা এতে তরন্তু ভৱং কথং || 35||

ৱিশদহসিতে পূর্‍ণা শান্তিঃ সুধাকরসোদরে

স্থিরপৃথুলযোঃ পূর্‍ণা শক্তির্‍দৃশোরতুলার্‍চিষোঃ
|

হৃদযকমলে নিত্যা নিষ্ঠা বহিশ্চ সরত্প্রভে

রমণভগৱন্‍কো ৱা মৌনী সমস্তৱ ভূতলে || 36||

দেৱী শক্তিরিযং দৃশোঃ শ্রিতজনধ্ৱান্তক্ষযাধাযিনী

দেৱী শ্রীরিযমংবুজাক্ষমহিষী ৱক্ত্রো সহস্রচ্ছদে
|

দেৱী ব্রহ্মৱধূরিযং ৱিজযতে ৱ্যাহারগূঢা পরা

ৱিশ্ৱাচার্য মহানুভাৱ রমণ ত্ৱাং স্তৌতু কঃ প্রাকৃতঃ
|| 37||

সোঽহং জাতো রমণভগৱন্‍পাদযোস্তে দৱিষ্ঠো

যদ্যপ্যস্মিন্‍মহতি সমযে শক্তিলাস্যে প্রৱৃত্তে
|

সূর্যস্যেৱ জ্ৱলিতমহসো দূরগাং নাথ শক্তিং

ৱিশ্ৱস্যাগ্য্রাং তৱ মম মনো ৱীতদুঃখং তথাপি || 38||

তদ্ভাগধেযমসমানমনেকমৌনি-

ৱাসার্‍জিতং ক্ষিতিভৃতঃ খলু লোহিতস্য |

অংগীচকার ভগৱান্‍রমণো মহর্‍ষি-

রন্যেষু সত্সু যদিমং বহুষু স্থলেষু || 39||

শান্তির্‍নিতান্তমধিকা পরমাস্য শক্তি-

র্‍ৱৈরাগ্যমদ্ভুততমং করুণা তু সান্দ্রা |

জ্ঞানং নিরস্তকুহনং মধুরং চ ৱৃত্তং

নৃণাং নিদর্‍শনমযং রমণো মহর্‍ষিঃ || 40||

নারসিংহির্‍গণপতির্‍ৱাসিষ্ঠো রমণং গুরুং |

চত্ৱারিংশন্‍মিতৈঃ পদ্যৈঃ স্কন্দাংশং স্তুতৱানৃষিং
||

ওং তত্ সত্

Spread the message
Night Mode